ტურიზმის ეროვნული ადმინისტრაცია დიდი ბრიტანეთიდან ჟურნალისტებს მასპინძლობს

ტურისტული ნაკადების გაზრდის მიზნით, საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია საერთაშორისო მედიის წარმომადგენლებისათვის პრესტურებს აგრძელებს.

როგორც ტურიზმის ეროვნული ადმინისტრაციის მიერ გავრცელებულ ინფორმაციაშია ნათქვამი, ადმინისტრაცია ბრიტანული გამოცემის Calvert Journal-ის რედაქტორსა და ფოტოგრაფს მასპინძლობს.

„Calvert Journal სამოგზაურო და კულტურის ჟურნალია, რომელიც აღმოსავლეთ ევროპის, კავკასიისა და ცენტრალური აზიის შესახებ სტატიებსა და ფოტო-რეპორტაჟებს ამზადებს.

Calvert Journal -ის წარმომადგენლები თუშეთში იმყოფებოდნენ, სადაც ომალო, ბოჭორნა, შენაქო, დიკლო და სხვა ტურისტულად მიმზიდველი ადგილები დაათვალიერეს და გადაიღეს. ტურის განმავლობაში ბრიტანელი ჟურნალისტები გაეცნენ თუშეთის კულტურას, ტრადიციებს, თუშური კერძების მომზდების წესებს, დაათვალიერეს კოშკები, სალოცავები. Calvert Journal-ის რედაქტორი თუშეთის შესახებ ვრცელ სტატიას მოამზადებს“, - ნათქვამია ინფორმაციაში.

“ბეჭდურ მედიას განსაკუთრებული როლი ენიჭება დიდი ბრიტანეთის ტურისტულ ბაზარზე, რადგან ინფორმაციის გავრცელების ერთ-ერთი საუკეთესო საშუალებაა, აქედან გამომდინარე ჩვენი ამოცანაა სწორი საკომუნიკაციო არხებით პოზიციონირება მოვახდინოთ მიზნობრივ აუდიტორიებზე და კონკრეტული ტურისტული პროდუქტი შევთავაზოთ. ამჟამად ვმასპინძლობთ ერთ-ერთი წამყვანი გამოცემის რედაქტორსა და ფოტოგრაფს, რომლებმაც თუშეთი მოინახულეს და შედეგად ჩვენ გვექნება ვრცელი სტატია ბრიტანელი პოტენციური მოგზაურებისათვის“, -განაცხადა ტურიზმის ეროვნული ადმინისტრაციის ხელმძღვანელის მოვალეობის შემსრულებელმა მედეა ჯანიაშვილმა.

როგორც ბრიტანელი ჟურნალისტი, ნადია ბერდი ამბობს, საქართველოში ყველაზე მეტად თუშეთი მოსწონს და ხალხს მის დათავალიერებას ურჩევს.

„საქართველოში საკმაოდ ბევრს ვმოგზაურობ და გეტყვით, რომ თუშეთი ჩემი ფავორიტია. საქართველოში იმდენად ლამაზი და მრავალფეროვანი ადგილებია, რომ ძნელია რომელიმე გამოყო, თუმცა თუშეთი გამოირჩევა თავისი სილამაზით, სიშორით, საოცარი ბუნებით, ადგილობრივების წესებით, ხალხით, სტუმართმოყვარეობით, თუშეთამდე საკმაოდ გრძელი და ლამაზი გზაა, იქ ბევრი ხალხი არ ჩადის, ამიტომ ვფიქრობ ეს ადგილი სრულიად უსაფრთხოა და მე რეკომენდაციას ვუწევ ტურისტებს, რომ ეწვიონ საქართველოს და ამ რეგიონს“, -აცხადებს ბრიტანელი ჟურნალისტი ნადია ბერდი.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს