პარტია „ხალხისთვის“ თბილისის მერობის კანდიდატის ანა დოლიძის ორგანიზებით „დედების მარში“ გაიმართა. დოლიძის განცხადებით, დედაქალაქში ცხოვრება და გადაადგილება მშობლებსა და ბავშვებს ძალიან უჭირთ.

როგორც პარტია „ხალხისთვის“ ლიდერმა ჟურნალისტებთან განაცხადა, დღევანდელი აქციის მთავარი მიზანია, რომ თბილისი ხალხის ქალაქი გახდეს.

“ჩვენი კამპანიის სლოგანია „ქალაქი ხალხისთვის“. დღევანდელი აქციით ჩვენ გვინდა ვაჩვენოთ, რომ ამ ქალაქში ცხოვრება და გადაადგილება მშობლებს, პატარა ბავშვებს ძალიან უჭირთ. ჩვენი ქუჩები ბავშვების სასეირნოდ სულ უფრო ნაკლებად ხელმისაწვდომი ხდება. დღევანდელი აქციის მიზანია, მოვითხოვოთ, ქალაქი ხალხისთვის გახდეს, სადაც კომფორტული იქნება მშობლების, ბავშვების გადაადგილება“, - განაცხადა დოლიძემ.