ირაკლი ღარიბაშვილის განცხადებით, ონი-საჩხერის გზის მშენებლობა სექტემბრის ბოლოს დასრულდება

ონი-საჩხერის დამაკავშირებელი გზის მშენებლობის შემდეგ, საჩხერე-ონის მარშრუტის სამგზავრო დრო შემცირდება, თბილისიდან ონში მგზავრობას კი 5 საათის ნაცვლად 3 საათი დასჭირდება, - ამის შესახებ საქართველოს პრემიერ-მინისტრმა ირაკლი ღარიბაშვილმა ონი-საჩხერის დამაკავშირებელი გზის მშენებლობა-რეკონსტრუქციის სამუშაოების დათვალიერებისას განაცხადა, სადაც პარლამენტის თავმჯდომარე კახა კუჭავასთან და რეგიონული განვითარებისა და ინფრასტრუქტურის მინისტრ ირაკლი ქარსელაძესთან ერთად იმყოფებოდა.

როგორც მთავრობის მეთაურმა აღნიშნა, გზის მშენებლობა სექტემბრის ბოლოს დასრულდება.

რეგიონული განვითარების და ინფრასტრუქტურის მინისტრის, ირაკლი ქარსელაძის თქმით, ზემო იმერეთი-რაჭის დამაკავშირებელი 51 კმ-მდე გზა საჩხერიდან იწყება და ამბროლაური-ონის გზას უერთდება

პროექტი 7 მონაკვეთად არის დაყოფილი. გზის დიდი ნაწილი ზღვის დონიდან 1000-1500 მეტრის სიმაღლეზე, დაუსახლებელ ტყიან ზონაში მდინარე ხეორის ხეობაში გადის. რეაბილიტაციამდე გზა გრუნტოვანი იყო, სრული რეაბილიტაციის შემდეგ კი ასფალტ-ბეტონის საფარი დაიგება.

სამუშაოების დიდი ნაწილი ამ დროისთვის უკვე დასრულებულია. პროექტის საერთო ღირებულება 111 165 310 ლარს შეადგენს.

პრემიერ-მინისტრთან ერთად ონი-საჩხერის დამაკავშირებელი გზის მშენებლობა დაათვალიერეს ვიცე-პრემიერმა, გარემოს დაცვის და სოფლის მეურნეობის მინისტრმა ლევან დავითაშვილმა, რაჭა-ლეჩხუმ სვანეთის მაჟორიტარმა დეპუტატმა გოჩა ენუქიძემ და რაჭა-ლეჩხუმ-ქვემო სვანეთში სახელმწიფო რწმუნებულმა პარმენ მარგველიძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს