გარედან შემოთვლა არასწორია, ოპოზიცია შეეჩვია ქუჩიდან ლაპარაკს, - ამის შესახებ ჟურნალისტებთან პარლამენტის ვიცე-სპიკერმა დავით სერგეენკომ განაცხადა, რითაც გამოეხმაურა ამნისტიის პროექტზე ოპოზიციის მოსაზრებებს.
მისი თქმით, თუ ვინმეს პროექტთან დაკავშირებით რაიმე შენიშვნები აქვს, ეს მოსაზრებები პარლამენტში განხილვებზე უნდა დააფიქსირონ.
„პარლამენტის ჭერქვეშ არის ადგილი, სადაც არგუმენტების გაცვლა უნდა ხდებოდეს. ის, რომ გაჭიანურდა ამნისტიის მიღება, ამის მიზეზია საზაფხულო პერიოდი. პოლიტიკური შეთანხმებები ყველა მონაწილის მხრიდან უნდა შესრულდეს. თუ რომელიმე მხარე არ ასრულებს, მეორე მხარეს უფლება აქვს დატოვოს ეს შეთანხმება. ამნისტიის პროექტი არ არის ინდივიდუალურად და ნიკა მელიასთვის შექმნილი. ეს იყო პოლიტიკური შეთანხმების ნაწილი, რომელიც სრულდება,“ - განაცხადა სერგეენკომ.