სოფელ შავშვებში მოსახლეობის COVID- 19- ის საწინააღმდეგო ვაქცინაცია ჩატარდა. ამის შესახებ ინფორმაციას გორის მერია ავრცელებს.
იმუნიზაციის პროცესს ა(ა)იპ გორის მუნიციპალიტეტის ჯანდაცვის ცენტრის დირექტორი მარინა გიუნაშვილი ესწრებოდა.
მისი განცხადებით, იმუნიზაციის კამპანიაში რამდენიმე ათეულმა ადგილობრივმა მიიღო მონაწილეობა და COVID- 19- ის საწინააღმდეგო ვაქცინაცია ეტაპობრივად მუნიციპალიტეტის სხვა სოფლებშიც ჩატარდება. მისივე თქმით, სოფლის ამბულატორიებში ამცრელი პუნქტების მოწყობა ბევრად ამარტივებს სერვისით სარგებლობის პროცესს.
შავშვების სამედიცინო ამბულატორიაში მისულ ადამიანებს ჯავშნის გარეშე ემსახურებოდნენ.