რუსთავი-თბილისის ავტომაგისტრალზე სამგზავრო მიკროავტობუსის  და მსუბუქი ავტომობილის შეჯახების შედეგად 3 ადამიანი დაშავდა

რუსთავი-თბილისის ავტომაგისტრალზე ავტოსაგზაო შემთხვევა მოხდა. კომპანია ,,ინტერტრანსის“ კუთვნილ მიკროავტობუსი, რომელსაც მგზავრები გადაყავდა და მსუბუქი ავტომობილი შეეჯახნენ. შეჯახების შედეგად მიკროავტობუსი გზის პირზე განთავსებულ ,,ლუკიოლის“ ბენზინგასამართ სადგურს შეეჯახა.

შემთხვევის შედეგად მსუბუქი დაზიანებები მიიღეს მიკროავტობუსში მყოფმა ორმა ქალმა და მცირეწლოვანმა. ადგილზე მობილიზებული იყო სასწრაფო-სამედიცინო დახმარების ბრიგადა, დაშავებულები გამოკვლევის მიზნით კლინიკა „რუსთავში“ გადაიყვანეს.

როგორც ,,ინტერპრესნიუსს“ შსს-ში განუცხადეს, ფაქტზე გამოძიება სსკ-ის 276 მუხლის მეორე ნაწილით დაიწყო, რაც ავტოსატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს