ლანჩხუთში, ოპოზიციის ნაწილის მერობის კანდიდატი ლია მუხაშავრია მოსახლეობას შეხვდა და საარჩევნო გეგმა გააცნო. მან მთავარ პრიორიტეტად ახალი სამუშაო ადგილების შექმნა, სოციალურად დაუცველ პირებზე ზრუნვა, სოფლის მეურნეობის აღორძიება და ინვესტორების მოძიება დაასახელა.

,,ძალიან ბევრი პრობლემა არის, მაგრამ მე ვფიქრობ, რომ უპირველესი არის შეიქმნას ახალი სამუშაო ადგილები, ამისთვის უნდა მოხდეს მთელი ქონების ინვენტარიზაცია, რომელიც ჯერ კიდევ არის ამ მუნიციპელიტეტის ტერიტორიაზე, თითოეულ სოფელში და ეს ქონება გამოცხადდეს საპრივატიზაციოდ იმ ადამიანებისთვის, იმ ინვენსტორებისთვის ვინც გახსნის საწარმოს და გადაეცეს სიმბოლურ ფასად, რათა შეიქმნას ახალი სამუშაო ადგილები.

შემდგომი უმთავრესი საკითხია სოციალური პრობლემები და სოციალური პაკეტი, რომელიც ამ რაიონში ძალიან ბევრ ადამიანს სასიცოცხლოდ ესაჭიროება. მე, როგორც მერი გავაკეთებ დღის ცენტრს შეზღუდული შესაძლებლობების ბავშვებისთვის, სადაც მოხდება მათთვის აუცილებელი სამედიცინო დახმარების მიწოდება. მესამე გახლავთ სოფლის მეურნეობის ხელშეწყობა, რომელიც გადამწყვეტი მნიშვნელობისაა იმისათვის, რომ აქ ეს დარგი აღორძინდეს”, - განაცხადა ლია მუხაშავრიამ.