კახა კუჭავა - საპარლამენტო დიპლომატიის შესაძლებლობების სრულად გამოყენება ჩვენთვის პრიორიტეტია

პარლამენტის თავმჯდომარეთა მეხუთე მსოფლიო კონფერენცია, რომელიც ავსტრიის დედაქალაქში გაიმართა, უაღრესად საინტერესო და შედეგიანი იყო, - ამის შესახებ საქართველოს პარლამენტის თამჯდომარე კახა კუჭავა სოციალურ ქსელში წერს. კახა კუჭავას თქმით, პარტნიორი ქვეყნები საქართველოს სუვერენიტეტისა და ტერიტორიული მთლიანობის, ასევე ევროპულ და ევროატლანტიკურ სტრუქტურებში ინტეგრაციის მიმართ ურყევ მხარდაჭერას გამოხატავენ

პარლამენტის თავმჯდომარის განცხადებით, შეხვედრაზე რუსეთის მიერ საქართველოს ტერიტორიების ოკუპაციას და იქ არსებულ მძიმე ვითარებას განსაკუთრებული ყურადღება დაეთმო.

„კონფერენციის ფარგლებში, ორმხრივი შეხვედრები ჩვენს სტრატეგიულ პარტნიორებთან გავმართეთ, სადაც მიმოვიხილეთ ყველა ის მთავარი საკითხი თუ გამოწვევა, რომლის წინაშეც საქართველო, რეგიონი და მთელი მსოფლიო დგას, მათ შორის პანდემია და უსაფრთხოების საკითხები.

განსაკუთრებული ყურადღება დაეთმო რუსეთის მიერ საქართველოს ტერიტორიების ოკუპაციას და იქ არსებულ მძიმე ვითარებას.პარტნიორი ქვეყნები საქართველოს სუვერენიტეტისა და ტერიტორიული მთლიანობის, ასევე ევროპულ და ევროატლანტიკურ სტრუქტურებში ინტეგრაციის მიმართ ურყევ მხარდაჭერას გამოხატავენ.

ვისაუბრეთ 2021 წლის ადგილობრივი თვითმმართველობის არჩევნებზე, იმ რეფორმებზე, რომლებიც განხორციელდა.

გამორჩეულად მინდა აღვნიშნო ავსტრიის პარლამენტის სპიკერთან შეხვედრა, იგი ჩვენი ქვეყნის დიდი მეგობარია. ავსტრია მხარს უჭერს ძალისხმევას ძლიერი, ერთიანი, დემოკრატიული სახელმწიფოს მშენებლობაში. ასევე განვიხილეთ ყველა საკითხი, რომელიც ორ ქვეყანას შორის, განსაკუთრებით კი საპარლამენტო დონეზე ურთიერთობების გაღრმავების საუკეთესო საშუალებას იძლევა. საპარლამენტო დიმპლომატიის შესაძლებლობების სრულად გამოყენება ჩვენს პრიორიტეტს წარმოადგენს.

დარწმუნებული ვარ, სტრატეგიული პარტნიორების თანადგომით და შრომით, მიზნის მიღწევას აუცილებლად შევძლებთ”, - წერს კუჭავა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება