რუსთავში რამდენიმე მსხვილი ინფრასტრუქტურული პროექტის განხორციელება დასრულების ფაზაშია

რუსთავში, რამდენიმე მსხვილი ინფრასტრუქტურული პროექტის განხორციელება დასრულების ფაზაშია. როგორც „ინტერპრესნიუსს“ რუსთავის მერიიდან აცნობეს, ქვემო ქართლის გუბერნატორმა შოთა რეხვიაშვილმა და რუსთავის მერმა ირაკლი ტაბაღუამ ადგილზე დაათვალიერეს ორ ახალ რეკრეაციულ სივრცეში - ახალგაზრდობისა და თეატრის სკვერებში მიმდინარე სამუშაოები.

მერიის ინფორმაციით, რეკრეაციულ სივრცეებში, რომელიც ჯამში 6 ჰექტარამდე მიწის ფართობს მოიცავს, სექტემბრის ბოლომდე მოეწყობა ახალი, თანამედროვე დასასვენებელი ადგილები რუსთაველებისთვის. ორივე პროექტის ღირებულება 3 მლნ 328 011 ლარია, პროექტები ცენტრალური და ადგილობრივი ბიუჯეტიდან ფინანსდება.

სხვა ინფრასტრუქტურულ პროექტებთან ერთად, რუსთავში საბავშვო ბაღების შიდა ეზოების რეაბილიტაციაც მიმდინარეობს. დღესვე ქვემო ქართლის გუბერნატორი და რუსთავის მერი, ქალაქის საბავშო ბაღებში მიმდინარე სამუშაოებსაც გაეცნენ. ამ ეტაპზე სამუშაოები 6 ლოკაციაზე: #17, #18, #20, #21, #31 და #43-ე ბაგა-ბაღების ეზოებში ხორციელდება. პროექტი გარე საკანალიზაციო ქსელის, ბორდიურებისა და ასფალტ-ბეტონის საფარის მოწყობას ითვალისწინებს. სამუშაოების ღირებულება ჯამში 648,438 ლარს შეადგენს და მთლიანად ადგილობრივი ბიუჯეტიდან ფინანსდება.

„რუსთავში, წელს 25 მილიონი ლარის ღირებულების ინფრასტრუქტურული პროექტები ხორციელდება. ხაზგასმისთ მინდა აღვნიშნო, რომ 15 მილიონით, ადგილობრივი ბიუჯეტიდან ფინანსდება, 10 მილიონი ლარი რეგიონული ფონდიდან იხარჯება. ჩვენ, ტრადიციულად ძალიან დიდ მნიშვნელობას ვანიჭებთ სკოლამდელი დაწესებულებებისა და სკოლების ინფრასტრუქტურის მოწესრიგებას. ექვს საბავშვო ბაღში ეტაპობრივად განხორციელდა კარ-ფანჯრების შეცვლისა და ბუნებრივი აირის გათბობის სისტემების სამონტაჟო სამუშაოები, ამჟამად მიმდინარეობს შიდაეზოების ასფალტირება. მსგავსი სამუშაოები ამ ბაღების აშენებისა და ექსპლუატაციაში შესვლის შემდეგ, პირველად ხორციელდება. ინტენსიურად მიმდინარეობს და დასრულების ეტაპზეა რუსთავში რეკრეაციული სივრცეების მოწესრიგება, რუსთაველის ქუჩაზე ფასადების რეაბილიტაციის სამუშაოები. იმედი გვაქვს, რომ ყველა პროექტი დასრულდება დროულად, დადგენილ ვადებში“, - განაცხადა ქვემო ქართლში სახელმწიფო რწმუნებულმა შოთა რეხვიაშვილმა.

მიმდინარე წლის ბოლომდე, რუსთავში 56 ინფრასტრუქტურული პროექტი დასრულდება.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს