ბოლნისის მუნიციპალიტეტს იმუნიზაციის ორი ახალი პუნქტი შეემატა

დაბა კაზრეთის პოლიკლინიკასა და სოფელ ქვეშის საექიმო ამბულატორიაში იმუნიზაციის პუნქტები გაიხსნა. ამცრელ პუნქტებში „სინოფარმისა“ და „სინოვაკის“ ვაქცინის მიღებაა შესაძლებელი.

ბოლნისის მუნიციპაიტეგის მერიის ინფორმაციით, ორივე ამცრელი პუნქტი იმუნიზაციისა და პირველადი სამედიცინო დახმარებისთვის საჭირო ყველა ხელსაწყოთი არის აღჭურვილი. დაბა კაზრეთში ვაქცინაცია კვირაში ხუთი დღე, სოფელ ქვეშში კი ორი დღე ჩატარდება. “აღსანიშნავია, რომ მუნიციპალიტეტში, ასევე ბოლნისის საზოგადოებრივი ჯანდაცვის ცენტრის ბაზაზე შექმნილმა მობილურმა ამცრელმა ბრიგადებმაც დაიწყეს მუშაობა. სამი ბრიგადა, მოთხოვნის შესაბამისად, მუნიციპალიტეტის მასშტაბით, სოფლად მცხოვრები მოქალაქეების ვაქცინაციას უზრუნველყოფს. ბოლნისის მუნიციპალიტეტში „ფაიზერის“, „სინოფარმისა“ და „სინოვაკის“ ვაქცინის მიღება ბოლნისის ცენტრალურ კლინიკაშია შესაძლებელი. მომავალი კვირიდან ქალაქ ბოლნისში კიდევ ერთი ამცრელი პუნქტის გახსნა იგეგმება”,- ნათქვამია ინფორმაციაში.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს