ბორჯომში კოსტავას სკვერის სრული რეაბილიტაცია დაიწყო

ბორჯომში მალე დასრულდება ისტორიული კავალერიის შენობა, რომელიც იქნება ახალი ტურისტული მიზიდულობის ცენტრი ბორჯომელებისთვის, მისი სტუმრებისთვის და შეასრულებს კუკლტურული ცენტრისა და მუზეუმის ფუნქციას. ჩვენი თანმიმდევრულობა აქაც კარგად ჩანს, გამომდინარე იქიდან, რომ პრემიერ-მინისტრის მიერ ინიცირებული „განახლებული რეგიონების" პროგრამის ფარგლებში, კოსტავას პარკის რეაბილიტაციაც თვითმმართველობისა და მოსახლეობის თხოვნით დავიწყეთ. შემდეგი სეზონისთვის ეს პარკი იქნება აბსოლუტურად განახლებული ძველი და ახალი, თანამედროვე სივრცეებით, საბავშვო და დასასვენებელი სივრცებით, რაც აუცილებლად ახალ შესაძლებლობებს გააჩენს ბორჯომისთვის,- ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ ბორჯომში „ქართული ოცნების" ბორჯომის მერობის კანდიდატის ოთარ არბოლიშვილის წარდგენაზე განაცხადა.

სიტყვით გამოსვლისას მინისტრმა წყალმომარაგებაზეც ისაუბრა და აღნიშნა, რომ ამჟამად 150 დასახლებაში მიმდინარეობს წყალმომარაგების პროექტები, საიდანაც 26 ქალაქი, დანარჩენი კი სოფლებია და ამ პროექტების დასრულების შედეგად, 360 ათას ადამიანს გაუუმჯობესდება წყალმომარაგება, საიდანაც 200 ათასს არასდროს ჰქონია სტანდარტის შესაბამის წყალმომარაგებაზე წვდომა.

„ეს არის იმ სტრატეგიის ნაწილი, რომელიც ჩვენ პრემიერ-მინისტრის დავალებით ყველა უწყებამ შევიმუშავეთ. 2025 წლის ბოლოსთვის ქვეყნის ყველა ქალაქში გვექნება 24 საათიანი წყალმომარაგება, ხოლო 2030 წლის ბოლოსთვის 3000-ზე მეტ სოფელს," - განაცხადა ირაკლი ქარსელაძემ.

მინისტრმა ასევე გაიხსენა 2019 წლის ზამთარი, როდესაც ბაკურიანში შეიქმნა წყალმომარაგების პრობლემა და აღნიშნა, რომ მდგომარეობის გამოსასწორებლად ბაკურიანში მნიშვნელოვანი სამუშაოები ჩატარდა და ამჟამადაც გრძელდება.

„2023 წელს ბაკურიანი მსოფლიო ჩეპიონატს უმასპინძლებს, რომელიც ბაკურიანის, ბორჯომის და ზოგადად აქაურობის საერთაშორისო ასპარეზზე გასვლისთვის კიდევ ერთი ახალი მუხტი იქნება, რომლის ფარგლებშიც, ბაკურიანი, როგორც ცნობილი ზამთრის კურორტი უკვე საინტერესო გახდება სპორტის ამ სახეობების მოყვარულებისთვის. ასეთი აქტივობები სწორედ იქითკენაა მიმართული, რომ ცნობადობის ამაღლების ფონზე მეტი ტურისტი მოვიზიდოთ, მეტი შემოსავალი და მეტი ახალი შესაძლებლობები გავაჩინოთ", - განაცხადა ირაკლი ქარსელაძემ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა