ფოთში ,,ერთიანი ნაციონალური მოძრაობის" სარეკლამო ბანერი დააზიანეს. ინციდენტი ნაბადას უბანში მოხდა.

ამავე უბნის მაჟორიტარი დეპუტატობის კანდიდატის ლაშა რუხაიას საარჩევნო ბანერზე საღებავია გადასხმული.

რუხაია მომხდარზე პასუხისმგებლობას ,,ქართულ ოცნებას" აკისრებს . მისი განცხადებით, ხელისუფლება წინასაარჩევნო პერიოდში ოპონენტების გზიდან ჩამოშორებას ყველა მეთოდით ცდილობს.

,,წლებია ამ მთავრობას ვებრძვით და ეს ფაქტი არის ,,ქართული ოცნების“ სახე .მე ნაბადის უბანში ვიყრი კენჭს და ეს ამ უბნელების გაკეთებული არ არის. ვიღაცას დაავალეს, გადაუხადეს თანხა და დააზიანეს ბანერი. პასუხისმგებლობას ,,ქართულ ოცნებას“ ვაკისრებ, რადგან თავიანთი, შიდა კვლევებიდანაც იციან, რომ ნაბადის უბანში მათი მაჟორიტარი კანდიდატი აგებს“, - განაცხადა ლაშა რუხაიამ.

,,ქართული ოცნების“ შტაბში აღნიშნულ ბრალდებას უსაფუძვლოს უწოდებენ.