გიგი უგულავა - „როცა ოდისევსი წავა, ის აუცილებლად დაბრუნდება“, ამიტომ სააკაშვილიც, რომელიც გააგდეს ქვეყნიდან, აუცილებლად დაბრუნდება და ეს იქნება ვაჟკაცური ნაბიჯი

ოდისევსის დაბრუნება არის ჟანრის ლოგიკის ნაწილი, ამიტომ ადამიანი, რომელიც გააგდეს ქვეყნიდან, აუცილებლად დაბრუნდება თავის ქვეყანაში. ასე არის ათასწლეულებში. ადრე თუ გვიან, ის აუცილებლად დაბრუნდება, - ასე ეხმაურება ოპოზიციის ნაწილის ფოთის მერობის კანდიდატი გიგი უგულავა, ყოფილი პრეზიდენტის, მიხეილ სააკაშვილის განცხადებას საქართველოში დაბრუნებასთან დაკავშირებით.

უგულავას თქმით, მიხეილ სააკაშვილი არის პოლიტიკური დევნილი.

„ქვეყნის სირცხვილია, როდესაც ქვეყნის მესამე პრეზიდენტი იდევნება და მას არ აქვს ქვეყანაში დაბრუნების საშუალება და უფლება. აქედან გამომდინარე, თუ ის მიიღებს გადაწყვეტილებას და როცა მიიღებს გადაწყვეტილებას დაბრუნებასთან დაკავშირებით, ეს იქნება ვაჟკაცური და ადეკვატური ნაბიჯი. რა, როგორ მოხდება ეს უკვე დამოკიდებულია ქართულ საზოგადოებაზე. ეს ასევე დამოკიდებულია, ოდნავ მაინც ეყოფა თუ არა კეთილგონიერება მმართველ ძალას და ა.შ. ფაქტი არის ერთი, რომ ჯერ კიდევ ჟანრის ლოგიკა მოითხოვს - როდესაც ოდისევსი წავა, ის აუცილებლად დაბრუნდება.

ოდისევსის დაბრუნება არის ჟანრის ლოგიკის ნაწილი, ამიტომ ადამიანი, რომელიც გააგდეს ქვეყნიდან, აუცილებლად დაბრუნდება თავის ქვეყანაში. ასე არის ათასწლეულებში. ადრე თუ გვიან, ის აუცილებლად დაბრუნდება. მისი დაპატიმრების შემთხვევაში ყველა ის ადამიანი, ვინც თვლის, რომ ქვეყანაში უნდა დასრულდეს უსამართლობა, პოლიტიკური დევნა, ხმა უნდა ამოიღოს და გააპროტესტოს პოლიტიკური დევნა და ეს რა თქმა უნდა, უნდა მოითხოვოს, როგორც ჩემს და სხვა პოლიტიკური პატიმრების შემთხვევაში ითხოვდნენ. მე იმედი მაქვს, რომ ეს სიტუაცია აქამდე არ მივა. იმედი მაქვს, ჩვენ შევძლებთ ერთხელ და სამუდამოდ გავაცნობიეროთ მთავარი - თუ გვინდა, რომ ქვეყნად ჩამოვყალიბდეთ, ამისთვის ყოველი წინა ხელისუფალი არ უნდა იდევნებოდეს ან ციხეში, ან გადასახლებაში. ჩვენ უნდა გვესმოდეს, რომ აუცილებელია თანაცხოვრების ფორმების მოძებნა, რაც არ უნდა არ გვიყვარდეს ერთმანეთი. ეს ეხება მიხეილ სააკაშვილსაც, ბიძინა ივანიშვილსაც და ნებისმიერ ხელისუფალს, სხვათა შორის, უფრო მეტად ბიძინა ივანიშვილს. თუ ივანიშვილი ზამბარას ძალიან გაწელავს, ის მას მოხვდება ცხვირში. ჩვენ გვინდა ისეთი სისტემის შექმნა ამ ქვეყანაში, სადაც ყველას ექნება თანაარსებობის შესაძლებლობა და ამავდროულად, კანონის წინაშე ყველა თანასწორი იქნება და არ იქნება ისე, როგორც ვხედავთ შერჩევით, აბსოლუტურად გაუფასურებულ სამართალს, ჯიბეში ჩასმულ მოსამართლეებს, რომლებიც რასაც უნდა იმას აკეთებენ, ასევე პროკურატურა, რომელიც კიდევ უარეს რაღაცებს სჩადის. ამიტომ სააკაშვილი ადრე თუ გვიან აუცილებლად დაბრუნდება. ეს გარდაუვალი მოცემულობაა. „ქართულმა ოცნებამ“ უნდა ისწავლოს, რომ გადამალვით, გაგდებით კი არ უნდა მოიგოს არჩევნები, არამედ უნდა მოიგოს თავისუფალ კონკურენციაში, თუ ამის უნარი კიდევ დარჩა, მაგრამ როგორც ხედავთ, არ გააჩნია”, - განაცხადა უგულავამ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს