რუსთავში ვაქცინაციის მოძრავ პუნქტებში 2 სექემბრიდან დღემდე 1320 პირი აიცრა
რუსთავში, ვაქცინაციის სამი მოძრავი პუნქტი ფუნქციონირებს.
მუნიციპალურ ავტობუსებში მოწყობილ ვაქცინაციის მოძრავ პუნქტებში, 2 სექტემბრიდან 11 სექტემბრის ჩათვლით, ,,ფაიზერისა“ და ,,სინოვაკის“ ვაქცინით, ჯამში 1320 პირი აიცრა.
როგორც ,,ინტერპრესნიუსს“ რუსთავის მერიაში განუცხადეს, ხვალიდან, ერთი პუნქტის ლოკაცია შეიცვლება და ჭყონდიდელის დასახლების ნაცვლად, მოძრავი ამცრელი პუნქტი, ლეონიძის ქუჩა #26-თან მე-4 საჯარო სკოლის წინ განთავსდება.
აღნიშნული მისამართის გარდა, კოვიდსაწინააღმდეგო ვაქცინით აცრის მსურველებისთვის ვაქცინაციის მოძრავი პუნქტები მე-19-ე მიკრო რაიონში აღმაშენებლის გამზირი N89-თან (სუპერმარკეტ ,,მადაგონის“ წინ) და მე-12-ე მიკრო რაიონში #23 საჯარო სკოლასთან იქნება განთავსებული.
ავტობუსებში აცრა ჯანდაცვის მსოფლიო ორგანიზაციის მიერ ავტორიზებული ვაქცინებით, “ფაიზერითა” და “სინოვაკით”, წინასწარი რეგისტრაციის გარეშეა შესაძლებელი.
ვაქცინაციის მოძრავი პუნქტების გარდა, კოვიდსაწინააღმდეგო ვაქცინით მოსახლეობის აცრა რუსთავის 5 სამედიცინო დაწესებულებაში მიმდინარეობს.
v-if="article.gallery" v-html="article.gallery"
