ლევან დავითაშვილი - ქარელის მუნციპალიტეტში 10 მილიონ ლარზე მეტია დახარჯული საირიგაციო ინფრასტრუქტურის გაუმჯობესებაზე

გარემოს დაცვისა და სოფლის მეურნეობის მინისტრმა, ლევან დავითაშვილმა ,,ქართული ოცნების" ქარელის მერობის კანდიდატის ზაზა გულიაშვილის წარდგენაზე სოფლის მეურნეობის განვითარებისთვის საირიგაციო ინფრასტრუქტურის მნიშვნელობაზე ისაუბრა და აღნიშნა, რომ ქარელის მუნციპალიტეტში 10 მილიონ ლარზე მეტია დახარჯული საირიგაციო ინფრასტრუქტურის გაუმჯობესებაზე.

„ჩვენ ვმუშაობთ ადგილობრივ ხელისუფლებასთან მჭიდროდ იმისთვის, რომ განისაზღვროს სად უფრო პრიორიტეტულია პროექტის განხორციელება და თქვენთან ერთად, თქვენი გადაწყვეტილებით შევარჩიოთ ის პროექტები, რომლებსაც მომავალი წლის განმავლობაში განვახორციელებთ. უკვე მიმდინარეობს მსოფლიო ბანკის დაფინანსებით ზედარუს რეაბილიტაციის 21 მილიონიანი მნიშვნელოვანი პროექტი. ზედარუს სარწყავი სისტემის რეაბილიტაცია ძალიან მნიშვნელოვანია ყველაზე აქტიურად დატვირთული სასოფლო-სამეურნეო მიწების ათვისების კუთხით და იმ სოფლების გასარწყავიანებისთვის, რომელსაც უჭირდათ სარწყავი წყალი. ჩვენ დავიწყეთ აღდგენა და ფაქტობრივად დასრულებულია რუისის სატუმბი სადგური, ასევე დაწყებულია ქარელის საირიგაციო სისტემების აღდგენა, რომელიც შემდეგ წლებშიც გაგრძელდება", - განაცხადა ლევან დავითაშვილმა.

როგორც გარემოს დაცვისა და სოფლის მეურნეობის მინისტრმა აღნიშნა, სასოფლო-სამეურნეო პოლიტიკა გულისხმობს როგორც ფერმერთა ინიციატივებისა და შესაძლებლობების მხარდაჭერას, ასევე ღირებულებათა ჯაჭვის ყველა ელემენტის თანადაფინანსებას.

„ძალიან მალე ქარელში იქნება კიდევ უფრო მეტი გადამმუშავებელი საწარმო, კიდევ უფრო მეტი შემნახველი მეურნეობა და სამაცივრე მეურნეობა იმისთვის, რომ თითოეული კილოგრამი პროდუქტი მაღალ ფასში დაბინავდეს და ჩვენმა ფერმერებმა, ჩვენმა გლეხებმა მიიღონ თავისი შრომის შესაბამისი ანაზღაურება. უკვე გვაქვს წარმატების მაგალითები; ქარელში წარმოებული მაღალი ხარისხის პროდუქტი საერთაშორისო ბაზრებზე გადის თუმცა, ჩვენ გვინდა მეტი ასეთი წარმოება იმისთვის, რომ სრულად გამოვიყენოთ ის ეკონომიკური შესაძლებლობები რომელიც ამ მუნიციპალიტეტს გააჩნია. იმისთვის, რომ ჩვენ ამ მიზნებს მივაღწიოთ, ჩვენ გვჭირდება კონსოლიდაცია, გვჭირდება თქვენი მხარდაჭერა", - აღნიშნა ლევან დავითაშვილმა.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს