ქობულეთის მერობის კანდიდატი „ნაცმოძრაობიდან" ბონდო თედორაძე აცხადებს, რომ მათ მაჟორიტარ კანდიდატს გივი მგელაძეს სუს-ის თანამშრომლები კანდიდატურის მოხსნას სთხოვენ

ქობულეთის მერობის კანდიდატი „ერთიანი ნაციონალური მოძრაობიდან" ბონდო თედორაძე აცხადებს, რომ მათ მაჟორიტარ კანდიდატს გივი მგელაძეს სუს-ის თანამშრომლები კანდიდატურის მოხსნას სთხოვენ.

როგორც ბონდო თედორაძემ ჟურნალისტებს განუცხადა, გივი მგელაძეს კანდიდატურის მოხსნის შემთხვევაში უზრუნველ ცხოვრებას სთავაზობენ და მისგან ორ დღეში პასუხს ელოდებიან. ბონდო თედორაძის თქმით, გივი მგელაძე კანდიდატურას არ მოხსნის და იგი გამარჯვებისთვის იბრძოლებს. მისი განცხადებით, ამ პროცესებში მმართველი გუნდის ხელი ურევია.

„გუშინ გვიან ღამით ჩვენს მაჟორიტარობის კანდიდატთან ალამბარი, აჭყვისთავი, მუხაესტატეში, გივი მგელაძესთან სუს-ის სამი თანამშრომელი მივიდა და კანდიდატურის მოხსნა მოსთხოვეს, კომფორტული და უზრუნველყოფილი ცხოვრების სანაცვლოდ. თან დაუმატეს, ეს არავისთვის არ ეთქვა, წინააღმდეგ შემთხვევაში პრობლემები შეექმნებოდა. ჩვენი მაჟორიტარობის კანდიდატი არ მოხსნის კანდიდატურას და ბოლომდე ვიბრძოლებთ, გამარჯვებისთვის",- აცხადებს ბონდო თედორაძე.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს