დღეს სახელმწიფო ახალგაზრდული სტრატეგიის სამოქმედო გეგმის #1 მიზანთან დაკავშირებით ონლაინ საკონსულტაციო შეხვედრა გაიმართა ახალგაზრდებთან, ახალგაზრდულ ორგანიზაციებთან, ახალგაზრდულ მუშაკებთან და სხვა დაინტერესებულ პირებთან. ამის შესახებ ინფორმაციას „ახალგზარდობის სააგენტო“ ავრცელებს.
როგორც მათ მიერ გავრცელებულ ინფორმაციაშია აღნიშნული, საკონსულტაციო შეხვედრების მიზანია, სამოქმედო გეგმის მონაწილეობრივად შემუშავება.
შეხვედრების დასრულების შემდეგ ახალგაზრდებისგან მიღებული რეკომენდაციები შეჯამდება და გათვალისწინებული იქნება სამოქმედო გეგმაში.
„სტრატეგიისა და სამოქმედო გეგმის შემუშავების პროცესში ახალგაზრდობის სააგენტოს მხარდაჭერას უწევს გაეროს საკოორდინაციო ჯგუფი ახალგაზრდობის საკითხებზე (UNFPA, UNICEF, UNDP, UNIDO, ILO, UNHCR) და ევროკავშირის ტექნიკური მხარდაჭერის პროექტი საქართველოში „განათლება დასაქმებისთვის" (Skills4Jobs)", - ვკითხულობთ ინფორმაციაში.