„მესამე ძალა-სტრატეგია აღმაშენებლის“ ლიდერი გიორგი ვაშაძე წინასაარჩევნო შეხვედრებს რეგიონში განაგრძობს.

პოლიტიკური პლატფორმის წარმომადგენლები მოსახლეობას წყალტუბოს, ზესტაფონსა და ქუთაისში შეხვდნენ.

გიორგი ვაშაძის თქმით, მათი მთავარი გზავნილი დაპირისპირების დასრულებაა და რაც მთავარია იმ პრობლემების მოგვარება, რაც ქართველ ხალხს აწუხებს.

„ვაგრძელებთ მოსახლეობასთან შეხვედრებს წყალტუბოში, ზესტაფონსა და ქუთაისში. ჩვენი მთავარი გზავნილი, რომ დავასრულოთ დაპირისპირება ამ ქვეყანაში. „მესამე ძალა-სტრატეგია აღმაშენებლის" იდეა არის გაერთიანება და საქმეზე კონცენტრაცია, იმ პრობლემების მოგვარება, რაც ხალხს აწუხებს. ამაში გვაქვს სრული თანხვედრა ჩვენი მოქალაქეების, რაც მათ განწყობაშიც გამოიხატება შეხვედრების დროს. დარწმუნებული ვარ, ამ ორპოლუსიანობის მოჯადოებულ წრეს გავარღვევთ და „მესამე ძალა სტრატეგია-აღმაშენებლის” გუნდთან ერთად დავიწყებთ ქვეყნის აღმშენებლობას“, - აღნიშნავს გიორგი ვაშაძე.