ბათუმში, სახელმწიფო უსაფრთხოების სამსახურის შენობასთან "ერთიანი ნაციონალური მოძრაობის" წევრები და სხვადასხვა ოპოზიციური პარტიების წარმომადგენლები საპროტესტო აქციას მართავენ.

როგორც შეკრებილები აცხადებენ, სუს-ი სახელმწიფო მოხელეებთან ერთად, პოლიციციელებს, რიგით მოქალაქეებსა და თვით ბიძინა ივანიშვილსაც უსმენს.

აქციის მონაწილეებმა აქციაზე სიმბოლურად ფონეიდოსკოპი მიიტანეს.

"ახლაც ვიღაცას უსმენენ, ვიღაც მეუღლეს ელაპარაკება, რომ სოსისი უნდა წამოვიღოო. სასაცილო და კომედიური ქვეყანაა, უსმენენ სახელმწიფო მოხელეებს და თქვენ წარმოიდგინეთ, ბიძინა ივანიშვილსაც. ეს უნდა დამთავრდეს. მინდა მივმართო მოქალაქეებს გულს მოუსმინეთ და ნუ შეგეშინდებათ სუს-ის, 3 ოქტომბრიდან სუს-ი როგორც მახინჯი წარმონაქმნი საქართველოში დაიშლება. ეს სიმბოლური აქტია და ამ საკითხს სერიოზულად ვეღარ შევხედავთ, ფარსად და ცირკად აქციეს ჩვენი ცხოვრება",- აცხადებს აქციის მონაწილე გენრი დოლიძე.

ადგილზე სამართალდამცავები არიან მობილიზებული.