ქარელის კლინიკაში კორონავირუსით გარდაცვლილი 49 წლის მამაკაცის ოჯახის წევრები პაციენტის გარდაცვალებაში ექიმებს ადანაშაულებენ

ქარელის კლინიკაში კორონავირუსით გარდაცვლილი 49 წლის კახაბერ ელისაშვილის ოჯახის წევრები პაციენტის გარდაცვალებაში ექიმებს ადანაშაულებენ.

„კორონავიუსით იყო ინფიცირებული და ქარელის კლინიკაში 12 სექტემბერს მოათავსეს, რამდენჯერმე ტელეფონზეც ველაპარაკეთ. როგორც გავიგეთ, რეანიმაციულ განყოფილებაში გადაყვანა არ უნდოდა, ნემსები გაუკეთეს, დააძინეს და ისე გადაიყვანეს. 16-ში გარდაიცვალა, მისი გარდაცვალების მიზეზად პირდაპირ ვასახელებთ ექიმების ბრალეულობას და არასათანადო მკურნალობას“, - აცხადებენ გარდაცვლილის ოჯახის წევრები.

კახაბერ ელისაშვილის ახლობლების ამ განცხადებას სრულიად უსაფუძვლოს უწოდებს ქარელის კოვიდკლინიკის ხელმძღვანელი ზაქარია მეყანწიშვილი. მეყანწიშვილის თქმით, პაციენტმა კლინიკას დაგვიანებით მიმართა და პარალელურად, იგი ჭარბწონიანი იყო, რამაც მდგომარეობის დამძიმებას ხელი შეუწყო.

„აღნიშნული პაციენტი სტაციონარში მოთავსდა 12 სექტემბერს. კორონავირუსული ინფექციის ფონზე, აღენიშნებოდა ფილტვების დაახლოებით 34%-იანი დაზიანება. პარალელურად, პაციენტი გახლდათ ჭარბწონიანი. უტარდებოდა ქვეყანაში მოქმედი პროტოკოლით გათვალისწინებული მკურნალობა. რამდენიმე დღეში, პაციენტის მდგომარეობა დამძიმდა და 16 სექტემბერს მოთავსდა რეანიმაციულ განყოფილებაში. სტაციონარიზაცია მოხდა დაგვიანებით, ინფიცირებიდან დაახლოებით 8-9 დღის შემდეგ, თავდაპირველად დაფიქსირდა ფილტვების დაზიანების 8 ბალი, მაგრამ დაავადება ძალზე სწრაფად პროგრესირებდა და პაციენტი კლინიკაში შემოყვანისთანავე ჟანგბადდამოკიდებული იყო. რაც შეეხება ოჯახის ბრალდებებს, აბსოლუტურად საფუძველსმოკლებულია იქიდან გამომდინარე, რომ პაციენტის მიმართ სამედიცინო პერსონალი იჩენდა განსაკუთრებულ ყურდღებას და ყველა საჭირო მკურნალობა დროულად უტარდებოდა“, - განაცხადა ქარელის კლინიკის ხელმძღვანელმა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს