„ქართული ოცნების“ ლიდერები აჭარაში მერობის კანდიდატებსა და შტაბების ხელმძღვანელებს შეხვდნენ

„ქართული ოცნების“ თავმჯდომარე ირაკლი კობახიძე, აღმასრულებელი მდივანი მამუკა მდინარაძე და რეგიონული მდივანი დიმიტრი სამხარაძე დასავლეთ საქართველოში პარტიულ შეხვედრებს განაგრძობენ.

პარტიის ინფორმაციით, მმართველი პარტიის ლიდერები დღეს ბათუმში, აჭარის მუნიციპალიტეტების მერობის კანდიდატებს და საარჩევნო შტაბების ხელმძღვანელებს შეხვდნენ.

"სამუშაო შეხვედრაზე, რომელსაც აჭარის მთავრობის თავმჯდომარე, „ქართული ოცნების“ აჭარის რეგიონული ორგანიზაციის ხელმძღვანელი თორნიკე რიჟვაძე ესწრებოდა, ადგილობრივი თვითმმართველობის არჩევნებთან დაკავშირებულ საკითხებზე იმსჯელეს.

ორი დღის განმავლობაში შეხვედრები გაიმართა ოზურგეთში, ზუგდიდსა და ქუთაისში. „ქართული ოცნების“ ლიდერები შეხვედრას გამართავენ ასევე ამბროლაურში", - აღნიშნულია პარტიის მიერ გავრცელებულ ინფორმაციაში.