ნიკა მელიამ მერობის კანდიდატების დებატები დატოვა, რასაც კახა კალაძემ რეპლიკით - "სულ კარგად ბრძანდებოდეთ" უპასუხა

„ნაციონალური მოძრაობის“ თბილისის მერობის კანდიდატმა ნიკა მელიამ საქართველოს პირველი არხის ეთერში დედაქალაქის მერობის კანდიდატების დებატები ​ პროტესტის ნიშნად დატოვა.

დებატებში, სადაც დედაქალაქის მერობის 16 კანდიდატია წარმოდგენილი, ნიკა მელიამ თბილისის „ქართული ოცნების“ მერობის კანდიდატს კორუმპირებული და კრიმინალების მფარველი უწოდა.

სტუდიის დატოვების მიზეზად მელიამ დაასახელა ის, რომ ერთ სივრცეში ყოფნას არ აპირებდა „მოძალადე, კორუმპირებულ, ძირგამომპალ ადამიანთან, რომელიც მართავს კრიმინალებს“.

ამასთან, მაშინ, როდესაც მელია მიმართავდა კახა კალაძეს და „ქართულ ოცნებას“ წარმოადგინა ფოტო, რომელზეც დმანისში მომხდარი დაპირისპირებისას დაშავებული ადამიანი იყო გამოსახული.

„რატომ მოვედი და რატომ ვიღებ მონაწილეობას ამ ფორმატში, ფორმატი, რომელიც არანაირად არ უწყობს ხელს რეალური დებატების გამართვას და ამაში, სამწუხაროდ ჩვენი მაყურებელიც დარწმუნდება, მაგრამ სიმართლეს გეტყვით- მოვედი აქ, პირველ რიგი, იმისთვის, რომ „ქართული ოცნების“ გენერალურ მდივანს პირადად ვუთხრა, თუ რა ამორალურად მოძალადე და კორუმპირებული ადამიანები არიან დღეს ხელისუფლებაში. მოვედი იმისათვის, რომ ვუთხრა, ეს ადამიანები არაფერს თაკილობენ, ძალადობენ მშვიდობიან მოქალაქეებზე, ძალადობენ დღისით, მზისით. ეს ადამიანები და ეს ბატონი, რომელიც აქ არის წარმოდგენილი უსაზღვროდ კორუმპირებული ადამიანია, კრიმინალების მფარველი და დამსაქმებელი, აი, ამას სჩადის. დღეს დმანისში, ყველამ კარგად ვიცით რა გააკეთეს. ამიტომ, ეს არის ადამიანი, რომელიც უნდა დამარცხდეს არა რომელიმე პოლიტიკური პარტიის მიერ, არამედ ქართველი ხალხის მიერ და დამარცხდება, იმიტომ, რომ ეს ადამიანი არის მოძალადე, მე ვარ გულწრფელი და რასაც ვგულისხმობ იმას ვსაუბრობ. პატივს ვცემ ყველა კანდიდატის ამომრჩეველს, მაგრამ ერთ სივრცეში მოძალადე, კორუმპირებულ, ძირგამომპალ ადამიანთან, რომელიც მართავს კრიმინალებს, მე არ ვაპირებ ყოფნას. ესეც ასე, კარგად ბრძანდებოდეთ, დიდი მადლობა“, - განაცხადა მელიამ.

მაშინ, როდესაც ნიკა მელია დებატების სტუდიას ტოვებდა „ქართული ოცნების“ თბილისის მერობის კანდიდატმა კახა კალაძემ რეპლიკის სახით მელიას უთხრა, რომ სტუდიიდან ისე გავიდეს, რომ მიკროფონი დატოვოს.

„სულ კარგად ბრძანდებოდეთ. მიდი, მიდი. მიკროფონი დაგვიტოვე და ისე გადი“, - აღნიშნა კახა კალაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს