ძლიერი წვიმის გამო, ქობულეთის მუნიციპალიტეტის რვა სოფელში მეწყრული პროცესები განვითარდა

ქობულეთის მუნიციპალიტეტის 8 სოფელში ძლიერი წვიმის გამო მეწყრული პროცესები განვითარდა. განსაკუთრებით რთული ვითარებაა სოფელ ხალასა და სოფელ დაგვაში. ადგილობრივების ინფორმაციით, მეწყერი გზის სავალ ნაწილზე არის ჩამოწოლილი.

როგორც ქობულეთის მერი მირიან ქათამაძე "ინტერპრესნიუსთან" საუბრისას აცხდებს, სტიქიის ზონაში მერიის თანამშრომლები იმყოფებიან და მომხდარს სწავლობენ. მისივე ინფორმაციით, დამეწყრილი ტერიტორიებიდან, ჯერჯერობით ოჯახების გაყვანა არ იგეგმება.

„ძლიერი წვიმის გამო, მეწყერი ჩამოწვა სოფლებში: კვირიკე, დაგვა, ლეღვა, ბობოყვათი, ციხისძირი, ხალა, ხუცუბანსა და ჩაისუბანში. მიმდინარეობს დამეწყრილი უბნების შესწავლა, დაწყებულია გაწმენდითი სამუშაოებიც",- აღნიშნა მირიან ქათამაძემ.

მოსახლეობის თქმით, უხვი ნალექის შედეგად დაბა ჩაქვში, დუმბაძის ქუჩაზე საცხოვრებელი სახლების ეზოები დაიტბორა.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს