გიგა ბოკერია - „ქართული ოცნების“ ძალადობრივ წინასაარჩევნო კამპანიას ჩვენი მშვიდობიანი, თუმცა ძლიერი იარაღით, საარჩევნო ხმების დაფიქსირებით უნდა ვუპასუხოთ

ეს არის გარიგება, ამ ხალხმა და იმათმა ვინც ამას ქირაობს, იციან, რომ შეთანხმება არის ხელისუფლების სამართალდამცავ ორგანოებთან და არავინ არ დაისჯება ისე, რომ ეს იყოს შემაკავებელი შემდგომი ძალადობის. ჩვენ გვაქვს სრული საფუძველი, რომ ვიფიქროთ ამ შემთხვევაშიც იგივე სცენარს ექნება ადგილი, მიუხედავად იმისა, რომ ჩაბარდა ეჭვმიტანილი თუ ბრალდებული, - ამის შესახებ „ევროპული საქართველოს“ თავმჯდომარემ, გიგა ბოკერიამ დმანისში მომხდარ ფაქტთან დაკავშირებით განაცხადა.

მისი თქმით, სამარცხვინო ქმედებებზე, რომელიც მეორდება წლიდან წლამდე საუკეთესო პასუხი და საუკეთესო იარაღი, რაც ყველას გვაქვს, არის საარჩევნო ხმა.

„ეს არის მთავარი ინსტრუმენტი, რითაც წინასაარჩევნო კლიმატს და ზოგადად პოლიტიკურ კლიმატს ქმნის ივანიშვილის რეჟიმი ქვეყანაში. ყველა არჩევნების წინ არის კამპანია სიძულვილის და ოპონენტების დემონიზების და სამიზნედ ამოღების, მათ შორის ყველაზე უფრო აგრესიული რიტორიკით. ეს არ არის ცალკე აღებული პრობლემა, პრობლემა არის კონტექსტი, რომელშიც ჩვენ ამავე დროს ვხედავთ რეჟიმთან დაახლოებულ, მის მიერ დაქირავებულ, მისი წევრი პირების მიერ დაქირავებულ ადამიანებს, რომლებიც როგორც წესი, არიან ან კრიმინალური სამყაროდან, ან სპორტსმენები, რომლებიც დაკავშირებული არიან კრიმინალურ სამყაროსთან და მუშაობენ ამ ხელისუფლებისთვის და ვხედავთ, როგორ სჩადიან ძალადობას დაუსჯელად. ჩვენ გვაქვს მთელი გაგრძელება ამ პროცესის, ერთი და იგივე წრიდან ადამიანების, ზოგჯერ ერთი და იგივე ადამიანები არიან ამ ძალადობაში ჩართულები. ჩვენ ახლა მივიღეთ ინფორმაცია, რომ ამ სამარცხვინო დანაშაულში ეჭვმიტანილი ჩაბარდა პოლიციას, ოღონდ ამით არ უნდა მოვტყუვდეთ, რადგან ჩვენ გვაქვს გამოცდილება, რომ ასეთ სამარცხვინო ქმედებებში მონაწილე დამნაშავეები, არცერთი არ დასჯილა, იგულისხმება, რომ ან ჯარიმას იხდიან ან უკიდურეს შემთხვევაში, როცა საზოგადოების წნეხი დიდია ადგილზე ან საერთაშორისო კონიუქტურა ისეთია, რომ აუცილებლად უნდა წაუყენონ ბრალი და ჩასვან ციხეში, რამოდენიმე თვეში გამოდიან გარეთ.

ყველამ იცის, რომ ეს არის გარიგება, ამ ხალხმა და იმათმა ვინც ამას ქირაობს, იციან, რომ შეთანხმება არის ხელისუფლების სამართალდამცავ ორგანოებთან და არავინ არ დაისჯება ისე, რომ ეს იყოს შემაკავებელი შემდგომი ძალადობის. ჩვენ გვაქვს სრული საფუძველი, რომ ვიფიქროთ ამ შემთხვევაშიც იგივე სცენარს ექნება ადგილი, მიუხედავად იმისა, რომ ჩაბარდა ეჭვმიტანილი თუ ბრალდებული. მინდა, რომ საზოგადოებას კიდევ ერთხელ მივმართო, ამ ყველაფერს ივანიშვილი აკეთებს არამხოლოდ იმიტომ, რომ სამიზნეები არიან ის კონკრეტული ადამიანები, ვისაც თავს ესხმიან, მაგალითად ის, რაც ახლა მოხდა დმანისში, ამ ყველაფერს აკეთებენ იმისთვის, რომ მთელ ქვეყანაში ჰქონდეთ გზავნილი, რომ ჩვენ ძალადობაზე წამსვლელები ვართ და ამიტომ გაჩერდით, შეეგუეთ რეალობას, არ მოხვიდეთ არჩევნებზე, ჩვენ ვრჩებით ყველა ვარიანტში თუ არადა გამოვიყენებთ ძალადობას.

ეს არის ივანიშვილის რეჟიმის ყველა საარჩევნო კამპანიის სამარცხვინო ასპექტი და როცა კითხვას სვამენ ხელისუფლების წარმომადგენლები რიტორიკულად, რატომ თვლით, რომ არადემოკრატიულია არჩევნები, ამაზეა საუბარი პირველ რიგში, ეს არის ერთ-ერთი მახასიათებელი ავტორიტარული რეჟიმების, ამას ვხედავთ უფრო მძიმე ფორმებით პუტინის რუსეთსა და სხვა ამ ტიპის ავტორიტარულ რეჟიმებში ან ღია დიქტატურებში ჩვენ გარშემო.

მთავარი გზავნილი, ჩემი და ჩემი გუნდის, „ევროპული საქართველოსი“ არის, რომ ამ სამარცხვინო ქმედებებზე, რომელიც მეორდება წლიდან წლამდე, საუკეთესო პასუხი და საუკეთესო იარაღი, მშვიდობიანი მაგრამ ძალიან ძლიერი იარაღი, რაც ჩვენ ყველას გვაქვს, არის ჩვენი საარჩევნო ხმა და თუ გვინდა, რომ ამას წერტილი დავუსვათ, თუ გვინდა, რომ ეს საფრთხე მოვიშოროთ, რასაც ივანიშვილის რეჟიმი წარმოადგენს და ამავე დროს ყველა მომავალ ხელისუფლებას, თუნდაც ის უკეთესი იყოს ამაზე, რაც ძნელი არ არის, გაკვეთილი დავუტოვოთ, არის დიდი უპირატესობით დამარცხება ივანიშვილის რეჟიმის ამ არჩევნებზე. მაგრამ თუ საპირისპირო რეაქცია ექნება საზოგადოების ნაწილს ამ ძალადობისა და საფრთხის შემხედვარეს, მაშინ გამოდის, რომ ეს ინსტრუმენტი მუშაობს და ეს არის მხარდაჭერა ყველა მოქალაქისგან, ვინც ამის გამო ან რაიმე სხვა მოსაზრებებით თავს შეიკავებს არჩევნებში მონაწილეობის და თავისი ნების დაფიქსირებისგან“, - განაცხადა ბოკერიამ.

ცნობისთვის, დმანისში, დაპირისპირებისას ორი პირი დაჭრეს. "ერთიანი ნაციონალური მოძრაობის" წევრების ინფორმაციით, სოფელ განთიადში დმანისის მერობის კანდიდატის წინასაარჩევნო შეხვედრაზე ოპოზიციის ორი აქტივისტი დანით არის დაჭრილი. „ნაციონალური მოძრაობის“ მხარდამჭერების დაჭრის ფაქტზე შინაგან საქმეთა სამინისტრომ „ქართული ოცნების“ მაჟორიტარობის კანდიდატის შვილი დააკავა.

ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
ქართული პრესის მიმოხილვა 25.04.2024
არჩილ მორჩილაძე - AACI-ის გეგმის მიხედვით, 2024 წლის 15 სექტემბრამდე, ყველა კლინიკაში უნდა დასრულდეს ძირითადი აუდიტის პროცესი, რათა შემდეგ დარჩეს დრო ხარვეზების გამოსწორებისა და მაკორექტირებელი გეგმების წარსადგენად
თბილისში ახალი კლინიკა - ჟორდანიას სამედიცინო ცენტრი გაიხსნება
m² კოლაბორაციულ პროექტს იწყებს
GM PHARMA ამერიკის სავაჭრო პალატის (AmCham) წევრი გახდა