აჭარის საავტომობილო გზების დეპარტამენტის ინფორმაციით, ქობულეთისა და ხელვაჩაურის რამდენიმე სოფლის მიმართულებით, დამეწყრილი გზების გაწმენდითი სამუშაოები დილიდან მიმდინარეობს.
როგორც უწყებაში აცხადებენ, დამეწყრილ ტერიტორიებზე მძიმე ტექნიკაა მობილიზებული.
„ძლიერი წვიმის შედეგად ხელვაჩაურისა და ქობულეთის რამდენიმე სოფელში საავტომობილო გზები დაიმეწყრა. აჭარის საავტომობილო გზების დეპარტამენტი დილიდან ინტენსიურად ახორციელებს გზის გაწმენდით სამუშაოებს. ამ ეტაპზე გაწმენდითი სამუშაოები მიმდინარეობს შემდეგ მიმართულებებზე: ყოროლისთავი-ზედა ყოროლისთავი, მახოს მიმართულებით, ზედა ახალშენი, ფერია და მახინჯაური.
ქობულეთში 8 მიმართულებით იწმინდება საავტომობილო გზები: ზედა ლეღვა-ბარათაშვილები, ლეღვა-ჩოგაძეები-მესხიძეები, დაგვა-ქვ. აჭყვა-ქათამაძეები, ბობოყვათი-კვირიკე, კვირიკე-მესხიძეები, ზედა კვირიკე-ბერიძეები, კვირიკე-გოგიტიძეები. აღნიშნული ლოკაციების გაწმენდა ეტაპობრივად მოხდება“, - აცხადებენ უწყებაში