"ნაციონალური მოძრაობის" ინფორმაციით, წყალტუბოში წინასაარჩევნოდ ამომრჩევლების მოსყიდვა ხდება. პარტიის წყალტუბოს შტაბის ხელმძღვანელის მამუკა საღარეიშვილის თქმით, ხდება როგორც პროდუქტის დარიგება, ასევე სამედიცინო ცნობის მიხედვით თანხის გადარიცხვა.
მამუკა საღარეიშვილის განცხადებით, საეჭვოა, რომ ერთ კვირაში კლინიკებს ათეულობით ადამიანმა მიმართა და მერიისგან ყველამ დახმარება მიიღო. ოპოზიციის თქმით, ასევე ინფრასტრუქტურული სამუშაოები პროექტების გარეშე ხორციელდება. საღარეიშვილი ფაქტებზე რეაგირებას და შესწავლას მოითხოვს.