ფოთში ძლიერმა ქარმა რამდენიმე საცხოვრებელ სახლს სახურავი გადახადა. წაქცეულია ხეები, რამდენიმე უბანს ელექტროენერგია არ მიეწოდება.

მერიის შესაბამისი სამსახურები არსებულ ვითარებას ადგილზე ეცნობიან. სახლების გადახურვა დროებითი გადასახური მასალით მიმდინარეობს.

როგორც მერიაში აცხადებენ, შექმნილია სპეციალური კომისია, რომელიც ზარალს სწავლობს. მათივე ინფორმაციით, დაზარალებულ ოჯახებს შესაბამისი დახმარება გაეწევა.

ამასთან, ძლიერმა ქარმა ლარნაკას ქუჩაზე მდებარე ტერმინალში 25-ზე მეტი ტვირთმზიდი კონტეინერი დააზიანა. ტერმინალის შიდა პერიმეტრში მდებარე მცირე ზომის ნაგებობას სახურავები გადახადა. ტერმინალის მეპატრონეები ზარალს ითვლიან.