კახა კალაძე - ყოველთვის უნდა გამოვიყენოთ საერთაშორისო პლატფორმები, რათა პარტნიორებს კიდევ ერთხელ ვუთხრათ, თუ რამდენად მნიშვნელოვანი, წინ გადადგმული ნაბიჯები აქვს ქვეყანას

ყოველთვის უნდა გამოვიყენოთ ასეთი საერთაშორისო პლატფორმები, იმისთვის, რომ მსოფლიო საზოგადოებას, ჩვენს პარტნიორებს კიდევ ერთხელ ვუთხრათ, თუ რამდენად მნიშვნელოვანი, წინ გადადგმული ნაბიჯები აქვს ჩვენს ქვეყანას“,-ამის შესახებ დედაქალაქის მერმა, კახა კალაძემ განაცხადა, რითაც პრემიერ-მინისტრის ირაკლი ღარიბაშვილის გაეროს 76-ე სესიის გენერალურ დებატებზე გაკეთებული განცხადებები შეაფასა.

კახა კალაძის თქმით, ყველა პლატფორმა უნდა გამოვიყენოთ, რათა კიდევ ერთხელ დავაფიქსიროთ, რომ საქართველო მზად არის, გახდეს იმ დიდი ოჯახის წევრი, რასაც ევროკავშირი და ნატო ჰქვია.

„ ყოველთვის უნდა გამოვიყენოთ ასეთი საერთაშორისო პლატფორმები, იმისთვის, რომ მსოფლიო საზოგადოებას, ჩვენს პარტნიორებს კიდევ ერთხელ ვუთხრათ, თუ რამდენად მნიშვნელოვანი, წინ გადადგმული ნაბიჯები აქვს ჩვენს ქვეყანას, თუ რამდენი რეფორმები ხორციელდება. ყველა ასეთი პლატფორმა გამოსაყენებელია, რათა კიდევ ერთხელ ვუთხრათ მათ, რომ საქართველო მზად არის, გახდეს იმ დიდი ოჯახის წევრი, რასაც ევროპა, ევროკავშირი ჰქვია და რა თქმა უნდა, ნატო-ში გაწევრიანება“, – განაცხადა კალაძემ.

ცნობისთვის, საქართველოს პრემიერ-მინისტრმა ირაკლი ღარიბაშვილმა გაეროს 76-ე სესიის გენერალურ დებატებზე სიტყვით გამოსვლისას განაცხადა, რომ „ქართული ოცნებები ხდება“. მთავრობის მეთაურის თქმით, ახალი კორონავირუსის მიზეზით გამოწვეული ღრმა ჩავარდნების მიუხედავად, საქართველოს ეკონომიკა ჯანსაღდება, ეკონომიკური ზრდა სახეზეა, სამუშაო ადგილები იქმნება და საქართველო კვლავ ერთ-ერთი წამყვანი ტურისტული დანიშნულების ცენტრია მსოფლიოში. ამასთან, პრემიერის თქმით, 2012 წლიდან მოყოლებული დემოკრატიული არჩევნები 6-ჯერ ჩავატარეთ და ყოველი მათგანი საერთაშორისო დამკვირვებლების მიერ თავისუფალ და სამართლიან არჩევნებად იქნა მიჩნეული.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს