საქართველოს ბიზნეს ასოციაცია ეხმიანება ბოლო დღეებში კომპანია „ალმას" წინააღმდეგ წარმოებულ კამპანიას და გმობს ნებისმიერი სუბიექტის მხრიდან კერძო ბიზნესზე არასამართლიან თავდასხმას

საქართველოს ბიზნეს ასოციაციის აღმასრულებელი დირექტორის, ლევან ვეფხვაძის განცხადებით, „საქართველოს ბიზნეს ასოციაცია თავს ვალდებულად მიიჩნევს დაიცვას ნებისმიერი წევრი კომპანიის სამართლიანი და ობიექტური ინტერესები, ვინაიდან ასოციაციის ერთ-ერთი უმთავრესი ფუნქცია წევრი კომპანიების ინტერესების ადვოკატირებაა".

მისი თქმით, „ამ ქვეყანაში, სახელმწიფო დაწესებულებებისა თუ სხვა ნებისმიერი სუბიექტის მხრიდან ერთხელ და სამუდამოდ უნდა დასრულდეს ბიზნეს სექტორზე უსაფუძვლო თავდასხმა და ბულინგი. კერძო სექტორის წარმომადგენელზე განხორციელებული ნებისმიერი თავდასხმა, ნიშნავს მთელს ბიზნეს სექტორზე შეტევას, რაც საჭიროებს დაუყოვნებლივ რეაგირებას".

როგორც განცხადებაშია ნათქვამი, „ზოგადად, უაღრესად მნიშვნელოვანია კრიტიკული შეხედულებების კორექტულად გადმოცემა და ერთმანეთისადმი მეტი სოლიდარობის გამოვლენა. ასეთ სიტუაციებში უმნიშვნელოვანესია დადგინდეს კომუნიკაციის სწორი ფორმები, რომელიც, ნებისმიერი პოლიტიკური კონიუნქტურის მიუხედავად, კერძო სექტორსა და ბიზნესს ჩრდილს არ მიაყენებს, რადგანაც სწორედ ბიზნეს სექტორის სიძლიერეზეა დამოკიდებული ქვეყნის ეკონომიკური განვითარება და საზოგადოებრივი კეთილდღეობის მიღწევა.

ამასთან, როგორც კომპანია "ალმას", ასევე ნებისმიერ სხვა შემთხვევაში, პრინციპულად მიგვაჩნია კანონის უზენაესობის პრინციპის ზედმიწევნით დაცვა და ნებისმიერი ქმედების სამართლებრივი შეფასება, შესაბამისი ადმინისტრაციული ორგანოების მხრიდან, დარღვევის აღმოჩენის შემთხვევაში კი კანონით გათვალისწინებული სანქცირების მექანიზმების გამოყენება.

შესაბამისად, მოვუწოდებთ, ერთის მხრივ, უფლებამოსილ ადმინისტრაციულ ორგანოებს, დროულად მიიღონ და საჯაროდ წარმოადგინონ გადაწყვეტილება, ხოლო, მეორეს მხრივ, დაინტერესებულ მხარეებს თავი შეიკავონ წინასწარი შეფასებებისა და კომენტარებისგან, ვინაიდან აღნიშნული შეიძლება უარყოფითად აისახოს როგორც დამსაქმებელზე, ასევე მასში დასაქმებულ პირებზე და მათ უფლებებზე.

და ბოლოს, გვინდა შევახსენოთ ყველა მხარეს, რომ ნებისმიერი ქვეყნის წარმატების ქვაკუთხედი არის ეკონომიკური წარმატება, რასაც ქმნის და განაპირობებს სწორედ ბიზნეს სექტორი და მასში წარმოდგენილი კომპანიები. შესაბამისად, მოვუწოდებთ როგორც სახელისუფლებო ინსტიტუტებს, ასევე სხვა ნებისმიერ სუბიექტს, ნუ განახორციელებთ უსაფუძვლო და არაობიექტურ თავდასხმებს კერძო სექტორზე, რადგან თუნდაც ერთის უფლებების შელახვა, ჯაჭვურად აისახება მთელს ბიზნესზე", - აცხადებს საქართველოს ბიზნეს ასოციაციის აღმასრულებელი დირექტორი, ლევან ვეფხვაძე.

(R)

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს