აჭარის უმაღლესი საბჭო საჯარო ინფორმაციის პროაქტიული გამოქვეყნების პრაქტიკის რეიტინგში კვლავ პირველ ადგილზეა
აჭარის უმაღლესი საბჭო, საჯარო ინფორმაციის პროაქტიული გამოქვეყნების პრაქტიკის რეიტინგში ისევ ლიდერობს.
აჭარის უმაღლესი საბჭოს ცნობით, ინფორმაციის თავისუფლების განვითარების ინსტიტუტის (IDFI) მიერ დღეს გამოქვეყნებული მონიტორინგის შედეგების მიხედვით, აჭარაში შეფასებულ 6 უწყებას შორის, ინფორმაციის პროაქტიული გამოქვეყნების ყველაზე მაღალი - 100 %-იანი მაჩვენებელი აჭარის უმაღლეს საბჭოს აქვს.
მათივე ცნობით, 2021 წლის აგვისტო-სექტემბერში IDFI-მ საჯარო ინფორმაციის პროაქტიული გამოქვეყნების პრაქტიკა 123 საჯარო დაწესებულებაში შეისწავლა და ამ მიზნით განახორციელა უწყებათა ვებ-გვერდების დეტალური მონიტორინგი, სადაც აჭარის უმაღლესი საბჭო პირველ ექვსეულში მოხვდა.
„ანგარიშის თანახმად, ავტონომიური რესპუბლიკის საჯარო დაწესებულებებს შორის, ერთადერთ უწყებას წარმოადგენს აჭარის უმაღლესი საბჭო, რომელმაც წინა წელთან შედარებით ინფორმაციის გამოქვეყნების მაჩვენებელი 4%-ით გააუმჯობესა და მაქსიმალური შედეგი 100% აჩვენა“, - აღნიშნულია ინფორმაციაში.
v-if="article.gallery" v-html="article.gallery"
