„ნაცმოძრაობის“ ზუგდიდის ორგანიზაციაში აცხადებენ, რომ „ქართული ოცნების“ საარჩევნო შტაბის წევრები ოპოზიციურად განწყობილ მოსახლეობას პირადობის მოწმობებს ართმევენ

„ნაციონალური მოძრაობის" ზუგდიდის ორგანიზაციაში აცხადებენ, რომ „ქართული ოცნების" საარჩევნო შტაბის წევრები ოპოზიციურად განწყობილ მოსახლეობას პირადობის მოწმობებს ართმევენ.

„ნაციონალური მოძრაობის“ დეპუტატის, ანა წითლიძის ინფორმაციით, აღნიშნულ ფაქტებს ადგილი ჰქონდა, როგორც ქალაქის ტერიტორიაზე, ასევე რამდენიმე სოფელში. წითლიძის მტკიცებით, სქემაში ჩართული არიან ძალოვანი სტრუქტურის წარმომადგენლებიც.

„ბოლო ორი დღეა „ქართული ოცნების" წევრების მხრიდან ხორციელდება პირადობის მოწმობის ჩამორთმევა იმ ადამიანებისთვის, ვინც ეეჭვებათ, რომ არიან გაერთიანებული ოპოზიციის და „ნაციონალური მოძრაობის" მხარდამჭერები. ამ სქემაში მონაწილეობენ „ქართული ოცნების" წევრები დავით დავითულიანი, რომელიც არის ამ სქემის მთავარი ხელმძღვანელი, ლევან კაკავა, რომელიც არის შემოსავლების სამსახურის უფროსი, ტატო კიტია, რომელიც არის ზუგდიდში, კომბინატის პოლიციის უფროსი და რობერტ ჭეჟია, რომელიც არის ასევე შს სამინისტროს თანამშრომელი. მე შემიძლია დაგისახელოთ კონკრეტული ადგილები, სადაც მოხდა მსგავსი შემთხვევები. ეს არის ფაიფურის და საჯვაროს ტერიტორია. სოფლები: დარჩელი, ჭკადუაში და განმუხური. ეს ადამიანები მიდიან ამომრჩევლებთან და მათ ეუბნებიან, რომ მისცენ პირადობის მოწმობები და მას არჩევნების მეორე დღეს დაუბრუნებენ",- განაცხადა ანა წითლიძემ.

ენმ-ს ზუგდიდის ორგანიზაციაში მმართველ პარტიას მოუწოდებენ, რომ შეწყვიტონ მსგავსი ქმედებები, წინააღმდეგ შემთხვევაში, ამბობენ რომ, მათ აქვთ მტკიცებულებები, რომელსაც შესაბამის ორგანიზაციებს გადასცემენ.

აღნიშნული ბრალდების საპასუხოდ, „ქართულ ოცნებაში“ აცხადებენ, რომ „ნაციონალური მოძრაობის“ ზუგდიდის მერობის კანდიდატს გამარჯვების შანსი არა აქვს და ამიტომ თხზავენ სიცრუეს.

„ფანტაზიები უცვლელია, კრეატივის შეტანა არ შეუძლიათ. „ნაციონალურ მოძრაობას" ჰყავს მერობის კანდიდატი, რომელიც პრაქტიკულად არ ატარებს წინასაარჩევნო შეხვედრებს. „ნაციონალურ მოძრაობას" ჰყავს კანდიდატი, რომელიც საოკუპაციო ხაზთან დგას და შეურაცხყოფას აყენებს იმ გმირებს, რომლებიც საკუთარი სიცოცხლის ფასად იცავდნენ აფხაზეთს, 1992-1993 წლებში. „ნაციონალურ მოძრაობას" ჰყავს მერობის კანდიდატი, რომელიც ელემენტარულ ინფორმაციას არ ფლობს ზუგდიდის მუნიციპალიტეტზე და იმ გამოწვევებზე, რაც ამ მუნიციპალიტეტში დგას. აქედან გამომდინარე ისინი ხედავენ, რომ არანაირი წარმატების შანსი არა აქვთ. ისინი არ ემზადებიან 2 ოქტომბრისთვის, ისინი ემზადებიან 3 ოქტომბრისთვის. თხზავენ, რაღაც სიცრუეს“, - განაცხადა ზუგდიდის საკრებულოს თავმჯდომარემ ირაკლი ლაგვილავამ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს