გიორგი გახარია სააკაშვილის ჩამოსვლაზე - კარიკატურული ფიგურაა - თუ მოხდა სასწაული ოცდამერვეჯერ, მისი ადგილი ციხეშია, თუ ასეთი საოცრება საერთოდ მოხდა, ეს „ოცნებასთან“ შეთანხმებულია

პარტია „საქართველოსთვის“ ლიდერის გიორგი გახარიას განცხადებით, თუკი, საქართველოს ყოფილი პრეზიდენტი მიხეილ სააკაშვილი საქართველოში ჩამოსვლას გაბედავს, ეს „ქართულ ოცნებასთან“ იქნება შეთანხმებული.

გახარიას შეფასებით, მმართველი ძალა საზოგადოებას მიხეილ სააკაშვილით აშინებს.

„სააკაშვილის საქართველოში ჩამოსვლა, „ფეიკ“ რაღაცის დადება, ეს არის „ოცნების“ მიერ მოგონილი ზღაპარი, რომელსაც აგორებენ იმისთვის, რომ თავიანთი მომხრეების მობილიზება მოახდინონ. ამის იქით აქ არაფერი არ არის. თუ სააკაშვილი გაბედავს საქართველოში ჩამოსვლას, ეს რა თქმა უნდა, „ოცნებასთან“ იქნება შეთანხმებული.

ნებისმიერ შემთხვევაში, ისევე როგორც მელია, ეს ხალხი უნდა იყოს ციხეში და არანაირი მნიშვნელობა არ აქვს, ესენი დღეს რას ამბობენ. უბრალოდ, „ოცნებას“ დღეს დასჭირდა მაშველი რგოლი, რომ ადამიანები რაღაცით შეაშინონ და აშინებენ ამით.

რა მნიშვნელობა აქვს ამას ჩემთვის? არანაირი. ეს ორი ძალა ერთმანეთს ასაზრდოებს და როგორც კი საჭირო ხდება, გამოჩნდება რაღაც აჩრდილი, არავინ არ არის, მისი პოლიტიკური რეპუტაცია ნულია, კარიკატურული ფიგურაა, ერთადერთი მნიშვნელობა თუ რაიმე აქვს, აქვს „ოცნებისთვის“ და ასე გამოაძრობენ ხოლმე, მაშინ როცა გაუჭირდებათ. ორი ობცია არსებობს. პირველი, თუ მოხდა სასწაული ოცდამერვეჯერ, რა თქმა უნდა, მისი ადგილი ციხეშია. თუ ასეთი საოცრება საერთოდ მოხდა, დარწმუნებული ვარ, ეს „ოცნებასთან“ შეთანხმებულია, მის გარეშე ეს წარმოუდგენელია, რაც მოხდება ამის შემდეგ და „ოცნება“ რასაც იკადრებს, ზუსტად იგივე იქნება, რაც მელიას გაუკეთეს - ამნისტია. აგერ ნახავთ ყველა ერთად“, - განაცხადა გახარია.

კითხვაზე, მოჰყვება თუ არა, სააკაშვილის დაკავებას საერთაშორისო ზეწოლა, გახარიამ განაცხადა, რომ ეს ასე არ იქნება. „რა მოყვება? ამას არაფერი მოყვება. ჯერ ერთი, არ ჩამოვა, მეორეც ერთი, ვერ ჩამოვა. ადამიანი, რომელიც საქართველოში გასამართლებული ჩამოვა, რა თქმა უნდა, მისი ადგილი ციხეშია. ამათგან ყველაფერია მოსალოდნელი, მაგრამ „ოცნებამ“ თუ გაბედა და საერთოდ ხმა ამოიღო, როგორც უკვე ნელ-ნელა დაიწყეს ამნისტიაზე საუბარი, ამას მოყვება მერე ადამიანების, რიგითი მოქალაქეების გაბრაზება და მრისხანება“, - განაცხადა გახარიამ.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა