ნათია თურნავა - შარშანდელი ჩავარდნა არა მხოლოდ სრულად განულებული იქნება, არამედ პოზიტიურ ტრაექტორიას ვუბრუნდებით

შვიდი თვის ზრდა 12.2%-ია, 7%-ით მეტია, ვიდრე 2019 წლის იგივე პერიოდში - ანუ, ზრდა საკმაოდ მაღალია როგორც წინა წელთან, ასევე 2019 წლის ანალოგიურ მაჩვენებელთან შედარებით. ეს გვაძლევს საშუალებას, ვთქვათ, რომ შარშანდელი ჩავარდნა არა მხოლოდ სრულად განულებული იქნება, არამედ პოზიტიურ ტრაექტორიას ვუბრუნდებით,- ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს ეკონომიკური ზრდის პროგნოზებზე საუბრისას განუცხადა.

ამასთან, როგორც თურნავამ ჟურნალისტებთან აღნიშნა, ყველა წინაპირობა არსებობს, რომ წელიწადი ორნიშნა ეკონომიკური ზრდით დასრულდეს.

„აპრილიდან მოყოლებული ვხედავთ, ჩვენი ეკონომიკა რამდენად სწრაფი ტემპით ვითარდება და მისი აღდგენა მიმდინარეობს. ორნიშნა ზრდაა. ეს ტენდენცია გრძელდება. აგვისტოში 10.3%-იანი ზრდა გვქონდა. მთლიანად 8 თვე რომ შევაჯამოთ, 2020 წელთან შედარებით 12%-იანი ზრდაა. ჩვენ ყველა წინაპირობა გვაქვს, რომ წელიწადი ორნიშნა ზრდით დავასრულოთ - ეს არის სამუშაო ადგილები, იმ სიღარიბის დაძლევა, რაც პანდემიამ მოიტანა და ჩვენი ეროვნული ვალუტის სიმყარე, მეტი შემოსავლები საქართველოს მოსახლეობას. ძირითადი კონტრიბუტორი დარგები ტრადიციულად არის ჩვენი მომპოვებელი დარგები, სოფლის მეურნეობა და სოფლის მეურნეობის გადამამუშავებელი დარგები და მომსახურების სფერო - სტუმართ-მასპინძლობის ინდუსტრია, მშენებლობა და ვაჭრობა - ეს არის ძირითადი გამწევი ძალა“, - განაცხადა ნათია თურნავამ.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა