ზაურ დარგალის ინფორმაციით,  მარნეულში „ქართული ოცნების“ მაჟორიტარობის კანდიდატი სცემეს

მარნეულის მუნიციპალიტეტის სოფელ სადახლოში ,,ქართული ოცნების" მაჟორიტარი დეპუტატობის კანდიდატი როვშან ისკანდაროვი სცემეს. ამის შესახებ საქართველოს პარლამენტში მარნეულის მაჟორიტარმა დეპუტატმა ზაურ დარგალმა ჟურნალისტებთან განაცხადა.

მისი თქმით, მათი მაჟორიტარობის კანდიდატი ,,ნაციონალური მოძრაობის" წევრმა ლაშა ქველაძემ სცემა.

"ნაციონალურმა მოძრაობამ მორიგი პროვოკაციები დაიწყო. ,,ნაციონალური მოძრაობის" სიის მეორე ნომერმა ლაშა ქველაძემ დღეს სხეულის დაზიანება მიაყენა ჩვენი პარტიიდან მაჟორიტარობის კანდიდატს სადახლოში, რომელმაც კანონის ფარგლებში მოუწოდა მას, რომ საღებავებით სკოლის კედელზე წარწერები - ,,მიშა ჩამოდი" და ,,ხმა მიეცით ნაციონალურ მოძრაობას" არ გაეკეთებინა. მისი მხრიდან მოწოდების შემდეგ მოხდა დაპირისპირება. ჩვენს კანდიდატს დაზიანებები აქვს მიყენებული გულმკერდის და სახის არეში", - განაცხადა ზაურ დარგალმა.

,,ნაციონალურ მოძრაობაში" აცხადებენ, რომ ,,ქართული ოცნების" წევრები, მათ თავად დაესხნენ თავს.

ლაშა ქველაძე ამ წუთებში მარნეულის პოლიციაში იმყოფება და სამართალდამცავებს ჩვენებას აძლევს.

ნაცემი როვშან ისკანდიროვი კი "ჯეოჰოსპიტალში" გადაიყვანეს. ექიმის განცხადებით, მისი მდგომარეობა საშუალო სიმძიმისაა და კვლევები უტარდება.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს