თორნიკე რიჟვაძე - აჭარის ექვსივე მუნიციპალიტეტში გვყავს იმდენად ღირსეული კანდიდატები, რომ გამარჯვება გარდაუვალია

აჭარის ექვსივე მუნიციპალიტეტში გვყავს იმდენად ღირსეული კანდიდატები, რომ გამარჯვება გარდაუვალია. მე ალბათობას იმისას, რომ მეორე ტურები შეიძლება იყოს აჭარაში, თითქმის გამოვრიცხავ, - ამის შესახებ აჭარის მთავრობის თავმჯდომარემ, თორნიკე რიჟვაძემ, სატელევიზიო ინტერვიუში განაცხადა, სადაც წინასაარჩევნო გარემოსა და „ქართული ოცნების" სავარაუდო შედეგებზე ისაუბრა.

თორნიკე რიჟვაძის თქმით, 2 ოქტომბერს, ყველა მუნიციპალიტეტში პირველივე ტურში გაიმარჯვებენ „ქართული ოცნების" კანდიდატები და პარტია გააუმჯობესებს 2020 წლის საპარლამენტო არჩევნებზე მიღებულ შედეგებს.

„თვითმმართველობის არჩევნები, სადაც პირდაპირი წესით ირჩევა ქალაქის და მუნიციპალიტეტის მერი, არის ჩვენი ხელისუფლების ერთ-ერთი წინ გადადგმული ნაბიჯი და გარანტი, რომ მთელ ვერტიკალში, მთელ უწყებებში გაკეთდება ის საქმე, რომელსაც ელიან მოქალაქეები ჩვენგან. ეს გაუთავებელი არჩევნები, ეს წინასაარჩევნო დუღილი, რომელსაც ჩვენი ქვეყნის მიმართ მტრულად განწყობილი ოპონენტებისგან ვხედავთ, დასრულდება და ყველას მიეცემა საშუალება გამოიჩინოს თავი საქმეში და ემსახუროს ხალხს ღირსეულად და კეთილსინდისიერად. შემდეგი წლები იქნება ქვეყნის მშვიდობიანი და სტაბილური განვითარების გარანტი", - განაცხადა თორნიკე რიჟვაძემ.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა