შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 178-ე კმ-ის მონაკვეთზე (კალა-უშგული) საავტომობილო გზების დეპარტამენტის წარმომადგენლების მიერ ჩატარებული ინტენსიური გაწმენდითი სამუშაოების შედეგად, საავტომობილო მოძრაობა აღდგენილია. ამის შესახებ ინფორმაციას საავტომობილო გზების დეპარტამენტი ავრცელებს.

შეგახსენებთ, რომ გუშინ აღნიშნულ საავტომობილო გზაზე ჩამოიშალა გზის მარცხენა ზედა ფერდი, რის გამოც დღის მეორე ნახევრიდან მოძრაობა ჩაკეტილი იყო ყველა სახის ავტოტრანსპორტისთვის.