ზაურ დარგალი - მაქსიმალურად გვყავს გაფრთხილებული ჩვენი მხარდამჭერები, რომ მშვიდ გარემოში ჩატარდეს არჩევნები, თუმცა, "ნაციონალური მოძრაობის" მხრიდან ყველაფერია მოსალოდნელი

მარნეულსა და გარდაბანში "ქართული ოცნების" მაჟორიტარი დეპუტატის ზაურ დარგალის განცხადებით, ხვალ "ქართული ოცნება" დიდი უპირატესობით გაიმარჯვებს.

მისივე თქმით, მხარდამჭერები გაფრთხილებული არიან, რომ არჩევნებმა მშვიდ გარემოში, პროვოკაციების გარეშე ჩაიაროს.

დარგალი ასევე გამოეხმაურა სააკაშვილის განცხადებას, რომ ის საქართველოში იმყოფებოდა. დეპუტატის თქმით, ეს ყოფილი პრეზიდენტის მხრიდან მორიგი კლოუნადაა.

"საკმაოდ აქტიური წინასაარჩევნო კამპანია ჩავატარეთ, ვიყავით ყველა სოფელში, შევხვდით მოსახლეობას, გვყავს ძლიერი გუნდი. ზოგადად, წინასაარჩევნო კამპანიამ მშვიდ გარემოში ჩაიარა. თუმცა, მოსალოდნელი იყო პროვოკაციები "ნაციონალური მოძრაობის" მხრიდან, რაც გუშინ მოხდა. ჩვენი მაჟორიტარობის კანდიდატის მიმართ განხორციელდა ფიზიკური ძალადობა "ნაციონალური მოძრაობის" სიის მეორე კანდიდატის, ლაშა ქველაძის მიერ. რის შედეგადაც, ის მოხვდა საავადმყოფოში. ხვალისთვის კი მაქსიმალურად გვყავს გაფრთხილებული ჩვენი მხარდამჭერები, რომ მშვიდ გარემოში ჩატარდეს არჩევნები. თუმცა, "ნაციონალური მოძრაობის" მხრიდან ყველაფერია მოსალოდნელი. დარწმუნებულები ვართ, რომ ხვალ დიდი უპირატესობით გავიმარჯვებთ როგორც მარნეულში, ასევე მთელ ქვეყანაში. რაც შეეხება მიშას ჩამოსვლას, ეს არის პროვოკაციის ერთ-ერთი ნაწილი. თავისთავად, ეს არის სრული ბლეფი, კლოუნადა და მე უბრალოდ, არ მესმის, იმ ადამიანების, რომლებსაც სჯერათ ამ ყველაფრის. ჩვენს გარშემო მარნეულელებსაც არ სჯერათ ამის",- განაცხადა დარგალმა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 18.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს