ქუთაისში ევროპის საბჭოს კულტურული მარშრუტების მე-10 საკონსულტაციო ფორუმი დასრულდა

ქუთაისში ევროპის საბჭოს კულტურული მარშრუტების მე-10 საკონსულტაციო ფორუმი დასრულდა. ამის შესახებ ინფორმაციას ქუთაისის მერია ავრცელებს.

მათივე ინფორმაციით, 3 დღის მანძილზე მსურველებს და დაინტერესებულ პირებს საშუალება ჰქონდათ ონლაინ რეჟიმში მოესმინათ არაერთი საინტერესო მოხსენება, გაცნობოდნენ სხვადასხვა კვლევების შედეგებს და ენახათ მსოფლიოს რამდენიმე ქვეყნის წამყვანი სპეციალისტების მიერ მომზადებული პრეზენტაციები.

მათივე ცნობით, ევროპის საბჭოს კულტურული მარშრუტების პრეზენტაცია საქართველოზე რამდენიმე თემით იყო წარმოდგენილი.

„ქუთაისის მერის მოადგილემ ირაკლი ქარქაშაძემ ისტორიული თერმული ქალაქების ევროპულ მარშრუტზე ისაუბრა, რომელშიც საქართველოს მნიშვნელოვანი ნაწილი უკავია. ასევე აქტიურადაა წარმოდგენილი ჩვენი ქვეყანა "ღვინის გზის " მარშრუტში, რაზეც ემანუელა პანკემ წარმოადგინა პრეზენტაცია, ვიქტორ სორენსენმა კი ებრაული მემკვიდრეობის ევროპული მარშრუტი გააცნო ფორუმის მონაწილეებს.

ფორუმის მუშაობას წარმართავდნენ ჟიულიენ ვუილუმერი-ევროპის საბჭოს კულტურული მარშრუტების გაფართოებული წილობრივი შეთანხმების თავმჯდომარე, (კულტურის ფედერალური ოფისი, შვეიცარია; ) და სტეფანო დომინიონი - გაფართოებული წილობრივი შეთანხმების კულტურული მარშრუტების (EPA) აღმასრულებელი მდივანი, ევროპის საბჭო. ფორუმის მსვლელობისას მოეწყო ქუთაისის საგზაო რუკის პრეზენტაცია”, - აღნიშნულია ინფორმაციაში.

2022 წლის კულტურული მარშრუტების საკონსულტაციო ფორუმი ჩანიაში (კრეტა, საბერძნეთი ) გაიმართება.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო