№4 კრწანისის საარჩევნო ოლქის 31 საარჩევნო უბანზე ხმის მიცემის პროცედურა, საპილოტე პროექტის ფარგლებში, ელექტრონული ტექნოლოგიების გამოყენებით განხორციელდება.

ამომრჩევლები ხმას სპეციალური აპარატის გამოყენებით მისცემენ და აპარატის საშუალებით შედეგები კენჭისყრის დასრულებისთანავე გახდება ცნობილი. ამასთან, ცესკოს ინფორმაციით, აღნიშნულ უბნებზე ბიულეტენებს ასევე დაითვლიან საუბნო საარჩევნო კომისიების წევრებიც.

გარდა ამისა, წელს პირველად იმ საარჩევნო უბნებში, სადაც რეგისტრირებულ ამომრჩეველთა რაოდენობა 300-ზე მეტია (ასეთია 3 200 საარჩევნო უბანი), ხმის დათვლის პროცესის ვიდეოგადაღება განხორციელდება.

ცესკოს ცნობით, მათ უკვე გადაეცათ 3 700 ვიდეოკამერა. ვიდეოკამერების ნაწილი გამოყენებული იქნება ხელახლა გადათვლის პროცედურის გადასაღებადაც, რაც საარჩევნო რეფორმის შედეგად, წელს პირველად ხორციელდება.

ვიდეოკამერის ტექნიკური გაუმართაობის ან დაზიანების შემთხვევაში, ხმის დათვლის პროცესი არ ჩერდება.