ფოთში 33-ვე საარჩევნო უბანი 07.00 საათზე გაიხსნა, კენჭისყრა კი 08.00 საათზე დაიწყო.
როგორც "ინტერპრესნიუსის" კორესპონდენტი იუწყება, ადგილობრივი თვითმმართველობის არჩევნებში მერობისთვის სამი კანდიდატი იბრძვის, ქალაქში შვიდი მაჟორიტარული ოლქია.
ფოთში სულ 41 ათას 128 ამომრჩეველია რეგისტრირებული. 70-ე საოლქო საარჩევნო კომისიის ინფორმაციით, ამ დროისათვის არჩევნები მშვიდ ვითარებაში მიმდინარეობს.