მხარი დავუჭირე მეტ სიცოცხლეს თითოეულ უბანში და ჩვენი თანამოქალაქეების კეთილდღეობას ,- განაცხადა ხმის მიცემის შემდეგ ,,ქართული ოცნების“ ვაკის მაჟორიტარობის კანდიდატმა გიორგი ტყემალაძემ.

მან ვაკის 51-ე უბანზე მისცა ხმა, სადაც ოჯახთან ერთად გამოცხადდა.

ტყემალაძის თქმით, ,,ქართული ოცნება“ არის გუნდი, რომელსაც შეუძლია ქალაქის მართვა და განვითარებაზე ზრუნვა. ტყემალაძე მადლობას უხდის მხარდამჭერებს და აქტიურობისკენ მოუწოდებს.

„მხარი დავუჭირე ჩვენი ქალაქის სწორ და კიდევ უფრო სწრაფ განვითარებას, მეტ სიცოცხლეს თითოეულ უბანში და ჩვენი თანამოქალაქეების კეთილდღეობას. ამ ყველაფრის წინაპირობა შექმნილია, ქალაქი ვითარდება და ამ ყველაფერს შენარჩუნება და განვითარება სჭირდება. ჩვენ ვართ გუნდი, რომელმაც დავამტკიცეთ, რომ შეგვიძლია ქალაქის მართვა და მის სწორ განვითარებაზე ზრუნვა. მინდა მოვუწოდო მოსახლეობას, მოვიდნენ არჩევნებზე და ხმა მისცენ ჩვენი დედაქალაქის კეთილდღეობას. დარწმუნებული ვარ, რომ მათი მხარდაჭერით და აქტიურობით, ჩვენ დღეს აუცილებლად გავიმარჯვებთ“- განაცხადა გიორგი ტყემალაძემ.