ბადრი ჯაფარიძე - თბილისელებმა დედაქალაქი დაიბრუნეს - ხვალიდან ჩვენ სხვა საქართველოში, სხვა თბილისში გავიღვიძებთ

თბილისელებმა დედაქალაქი დაიბრუნეს - ხვალიდან ჩვენ სხვა საქართველოში, სხვა თბილისში გავიღვიძებთ, - ამის შესახებ ფრაქცია „ლელო-პარტნიორობა საქართველოსთვის“ ერთ-ერთმა ლიდერმა, ბადრი ჯაფარიძემ პარტიის ოფისში გამართულ ბრიფინგზე, რამდენიმე ტელეკომპანიის მიერ გამოქვეყნებული ეგზიტპოლის შედეგების შეფასებისას განაცხადა.

როგორც ჯაფარიძე განმარტავს, „ქართული ოცნებისგან“ ხმების მიტაცების მცდელობა იქნება, რისთვისაც აუცილებელია თითოეული მოქალაქის ხმა დაცული იყოს.

„მინდა თბილისელებს მივულოცო ის, რომ თბილისელებმა დედაქალაქი დაიბრუნეს. დღეს ჩვენ ძალიან მნიშვნელოვანი დღე გვაქვს, რადგან ხვალიდან ჩვენ სხვა საქართველოში, სხვა თბილისში გავიღვიძებთ. თბილისში, რომელიც მართული იქნება კოალიციური ხელისუფლებით, თბილისში, სადაც ყველა გადაწყვეტილება გამჭვირვალედ იქნება მიღებული ხალხის მონაწილეობით. ასეთივე გადაწყვეტილება იქნება სხვა ქალაქებში, სადაც ოპოზიცია გაიმარჯვებს. როგორც ჩანს, ოპოზიცია ყველა ქალაქში იმარჯვებს. ახლა ჩვენი ამოცანაა, რომ თითოეული ხმა დავიცვათ! უნდა გვესმოდეს, რომ „ქართული ოცნებისგან“ იქნება მცდელობა, რომ მიიტაცონ ხმები, ამიტომ კომისიაში ოპოზიციის წარმომადგენლებს მოგიწოდებთ თანამშრომლობით და კოორდინაციით დაიცვან ოპოზიციური ხმები“, - აღნიშნა ჯაფარიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს