ექიმის განცხადებით, მარნეულში, ყიზილაჯლოში ფიზიკური დაპირისპირებისას დაშავებულ „გირჩის“ წევრს ტვინის შერყევა აქვს

მარნეულში, სოფელ ყიზილაჯლოში ფიზიკური დაპირისპირებისას დაშავებულ "გირჩის" წევრს თავის ტვინის შერყევა აქვს. აღნიშნულის შესახებ "ავერსის" კლინიკის ექიმმა ნინო გოგიძემ განაცხადა.

როგორც ის განმარტავს, ქველაძე კლინიკაში, ნევროლოგიურ განყოფილებაში რჩება.

"მამაკაცი სასწრაფო დახმარებამ შემოიყვანა, უგონო მდგომარეობაში არ იყო, როგორც თვითონ თქვა, ჩხუბის დროსაც არ დაუკარგავს გონება. მისი გადმოცემით, თავს დაესხნენ და ამ დროს მიიღო თავის ტრავმა, კვლევები გაკეთდა, თავის ტვინის შერყევაა, ახლა ნევროლოგიურ განყოფილებაში მკურნალობას აგრძელებს. ჭრილობები არ აქვს, პატარა ესკორაციები და ყვრიმალების არეში შეშუპება ", - განაცხადა გოგიძემ.

მან ასევე ისაუბრა დაშტაფაში "ლეიბორისტული პარტიის" დაჭრილ მხარდამჭერზეც, რომელმაც კლინიკა პოლიციელების თანხლებით, რამდენიმე წუთის წინ დატოვა.

"31 წლის მამაკაცს ჭრილობა ჰქონდა მუცლის არეში, ამ ხნის განმავლობაში ვაკვირდებოდით, მდგომარეობა სტაბილურია. ჭრილობა ზედაპირული იყო, ყველა კლინიკური და ლაბორატორიული კვლევა ჩავატარეთ და პაციენტმა კლინიკა სტაბილურ მდგომარეობაში დატოვა",- განაცხადა გოგიძემ.

მან ასევე აღნიშნა, რომ კლინიკაში შეყვანილია 61 წლის მამაკაციც, რომელსაც მრავლობითი ტრავმები, სახის ძვლების მოტეხილობა, ტვინის შერყევა აქვს, თუმცა, ექიმი არ ფლობს ინფორმაციას, აღნიშნულმა პირმა მიიღო თუ არა დაზიანებები სააჩევნო უბანზე. არსებული ინფორმაციით, სწორედ აღნიშნულმა მამაკაცმა დაჭრა "ლეიბორისტული პარტიის" წევრი.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო