ლაგოდეხის მუნიციპალიტეტის სოფელ კაბალში, ერთ-ერთი საცხოვრებელი სახლის ეზოში ორი ხელყუმბარა შეაგდეს.
ასაფეთქებელმა მოწყობილობამ სახლის ეზოში ავტომობილი დააზიანა. შემთხვევის შედეგად არავინ დაშავებულა.
დაუზუსტებელი ინფორმაციით, ფაქტი სოფლის ბაზრის სადაო ბიზნეს წილების გაყოფას უკავშირდება.
აღნიშნულ ფაქტზე გამოძიება სისხლის სამართლის კოდექსის 236-ე მუხლის მე-3 და მე-4 ნაწილებით (ცეცხლსასროლი იარაღის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება ) და 188-ე მუხლით (ნივთის დაზიანება ან განადგურება გაუფრთხილებლობით) მიმდინარეობს.