არჩევნების მონიტორინგის ორგანიზაციების ევროპული ქსელის (ENEMO) მისიის ხელმძღვანელის დრიტან ტაულას განცხადებით, პოლიტიკური პროცესების განვითარებას, რაც მოჰყვა პრეზიდენტ სააკაშვილის დაბრუნებას, განსაკუთრებული გავლენა არ მოუხდენია საარჩევნო პროცესზე. ამის შესახებ მან დღეს გამართულ პრესკონფერენციაზე ჟურნალისტის კითხვის საპასუხოდ განაცხადა, რა გავლენა იქონია არჩევნებზე საქართველოს ყოფილი პრეზიდენტის მიხეილ სააკაშვილის დაბრუნებამ.
„იქიდან გამომდინარე, რასაც ჩვენ თვალყურს ვადევნებდით, პოლიტიკური პროცესების განვითარებას არჩევნების დღეს და პოლიტიკური პროცესების განვითარებას, რაც მოჰყვა პრეზიდენტ სააკაშვილის დაბრუნებას, განსაკუთრებული გავლენა არ მოუხდენია საარჩევნო პროცესზე, სულ მცირე, ამ მომენტამდე მაინც, თუმცა გავაგრძელებთ ამ პროცესებზე დაკვირვებას და თუ შევნიშნავთ რაიმე სახის გავლენას, ეს აუცილებლად მოხვდება ჩვენს საბოლოო ანგარიშში“, - განაცხადა დრიტან ტაულამ.