ლადო მგალობლიშვილი - ბათუმში "ქართული ოცნების" პროცენტული მაჩვენებელი პროპორციულ ნაწილში გაუმჯობესდება

აჭარის უმაღლესი საბჭოს წევრის და ბათუმის საოლქო კომისიაში „ქართული ოცნება-დემოკრატიული საქართველოს“ წარმომადგენლის, ლადო მგალობლიშვილის განცხადებით, ბათუმში, 63-ე უბანზე, მექანიკური შეცდომის შედეგად, "ქართული ოცნების" 347 ბიულეტენი, პროპორციულ ნაწილში, სხვა პარტიას დაუწერეს, ხოლო "ქართულ ოცნებას" ოქმში 0 ხმა დაუფიქსირდა.
როგორც აჭარის უმაღლესი საბჭოს მიერ გავრცელებულ ინფორმაციაშია აღნიშნული, ლადო მგალობლიშვილმა შესაბამისი საჩივრით ბათუმის საოლქო საარჩევნო კომისიას უკვე მიმართა და ზემოთ აღნიშნული უბნის ხელახალი გადათვლა მოითხოვა.
„გადათვლის შემთხვევაში, „ქართული ოცნების“ პროცენტული მაჩვენებელი, პროპორციულ ნაწილში, გაუმჯობესდება“, - აღნიშნა აჭარის უმაღლესი საბჭოს საკონსტიტუციო, იურიდიულ და საპროცედურო საკითხთა კომიტეტის თავმჯდომარემ ლადო მგალობლიშვილმა.
























