დავით სერგეენკო - სენატორ ჯიმ რიშის განცხადება ამერიკის შეერთებული შტატების სახელმწიფოს მოსაზრებას არ ასახავს

„ქართული ოცნების“ დეპუტატის, დავით სერგეენკოს განცხადებით, სენატორ ჯიმ რიშის განცხადება ამერიკის შეერთებული შტატების სახელმწიფოს კონსოლიდირებულ მოსაზრებას არ ასახავს.

ამასთან, როგორც სერგეენკომ ადგილობრივი არჩევნების შესახებ საერთაშორისო პარტნიორების გამოხმაურებებზე საუბრისას აღნიშნა, საკითხს კომპლექსურად უნდა შევხედოთ.

„ყველას აქვს თავისი აზრის გამოთქმის უფლება, თუმცა ვფიქრობ, რომ მისი მოსაზრება არ ასახავს ამერიკის შეერთებული შტატების სახელმწიფოს კონსოლიდირებულ მოსაზრებას“, - განაცხადა სერგეენკომ.

მისივე თქმით, ამერიკის შეერთებული შტატების ელჩის ან ეუთო/ოდირის განცხადებაში არჩევნებთან დაკავშირებით რამდენიმე საკითხია ხაზგასმული, თუმცა ეს „არ ნიშნავს, რომ არჩევნებმა საქართველოს მოსახლეობის ნება არ ასახა“.

„ამერიკის შეერთებული შტატების ელჩის ან ეუთო/ოდირის განცხადებაში, რომელიც მსგავსია, ხაზგასმულია რამდენიმე საკითხი. პირველი ის, რომ არჩევნები ჩატარდა კარგად ორგანიზებულად, გამჭვირვალედ. მეორე ის, რომ ყურადღებას იქცევდა და სამწუხაროა რადიკალური დაპირისპირება, ერთგვარი პოლიტიკური მარგინალიზაცია, რასაც ვეთანხმები, რადგან წინასაარჩევნო პერიოდში სიძულვილის ენა ბობოქრობდა. მესამე იყო ადმინისტრაციული რესურსის გამოყენება. მთლიანობაში ეს არ ნიშნავს, რომ არჩევნებმა საქართველოს მოსახლეობის ნება არ ასახა. პირიქით, ეს ხაზგასმულია. რაც შეეხება ადმინისტრაციულ რესურსებს, ამაზე მეტი ინფორმაციაა საჭირო“, - განაცხადა სერგეენკომ.

ცნობისთვის, სენატორ ჯიმ რიშის განცხადებით, „საქართველოში ჩატარებული არჩევნები დაუჯერებლად იმედის გამაცრუებელი იყო“.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს