"ჩვენი დასავლელი პარტნიორებისგან უფრო ხშირად და მკაფიოდ ისმის უარყოფითი შეფასებები, ვიდრე ჩვენი პოლიტიკოსებისგან", - განაცხადა „რესპუბლიკური პარტიის“ თავმჯდომარემ ხათუნა სამნიძემ.

მისი თქმით, ახლა ფოკუსი მეორე ტურზეა და არ უნდა მივცეთ “ქართულ ოცნებას” იმის შესაძლებლობა, რომ ისევ იგივე მეთოდები გამოიყენოს, რასაც იყენებდა პირველ ტურზე.

“არჩევნებზე ბევრი დარღვევა ხდებოდა. ადამიანებზე თავდასხმა, დაშინება, შანტაჟი, სამსახურიდან გათავისუფლება, არის ჩვეულებრივი მეთოდები, რომელსაც იყენებს “ქართული ოცნება”. ხაზგასასმელია ის საკითხი, რომ ჩვენი დასავლელი პარტნიორებისგან უფრო ხშირად და მკაფიოდ ისმის უარყოფითი შეფასებები, ვიდრე ჩვენი პოლიტიკოსებისგან. უკმაყოფილო ვარ არჩევნების შედეგებით, იმიტომ რომ ჩვენი მთავარი ფოკუსი იყო “ქართულ ოცნებას” არ მიეღო 43% და გვქონოდა შესაძლებლობა რიგგარეშე არჩევნების, ეს ფოკუსი შეიცვალა მაგრამ ახლა უკვე ჩვენი მთელი ძალისხმევა და ენერგია უნდა იყოს მიმართული მეორე ტურზე, "ქართულ ოცნებას" უფლება არ უნდა მივცეთ, რომ ისევ იგივე მეთოდები გამოიყენოს, როგორც პირველ ტურზე “, - აცხადებს ხათუნა სამნიძე.