სსიპ „საქართველოს მედიატორთა ასოციაციის“ ორგანიზებით, ასოციაციის წევრებისათვის „სინგაპურის კონვენციის შესახებ“ ვებინარი ჩატარდა, რომელსაც სინგაპურის მედიაციის ცენტრის სერტიფიცირებული მედიატორი, დოქტორი - DR. Bharati Rao უძღვებოდა.

ღონისძიება მისასალმებელი სიტყვით სსიპ „საქართველოს მედიატორთა ასოციაციის“ თავმჯდომარე ირაკლი ყანდაშვილმა გახსნა.

შეხვედრაზე ხაზი გაესვა სინგაპურის კონვენციის მნიშვნელობას საერთაშორისო კომერციული დავების მედიაციის გზით გადაწყვეტილ საქმეებზე და აღინიშნა, რომ კონვენცია უზრუნველყოფს უფრო ეფექტურ საშუალებებს მედიაციის შედეგების აღსასრულებლად.

ღონისძიების დასასრულს გაიმართა დისკუსია.

„სსიპ „საქართველოს მედიატორთა ასოციაცია“ განაგრძობს საერთაშორისო თანამშრომლობას და ასოციაციის წევრებს კვლავ მისცემს შესაძლებლობას გაეცნონ მედიაციის სფეროში საერთაშორისო პრაქტიკას,“- ნათქვამია ინფორმაციაში.