სამოქალაქო აქტივისტებმა რუსთავის ციხესთან მიხეილ სააკაშვილის მხარდამჭერი აქცია გამართეს

სამოქალაქო აქტივისტებმა რუსთავის ციხესთან მიხეილ სააკაშვილის მხარდამჭერი აქცია გამართეს

რუსთავის N12 პენიტენციურ დაწესებულებასთან, სადაც საქართველოს ექსპრეზიდენტი მიხეილ სააკაშვილი იმყოფება, აქცია გაიმართა.

სამოქალაქო აქტივისტებმა დაპატიმრებულ მესამე პრეზიდენტს მხარდაჭერა გამოუცხადეს და მისი გათავისუფლება მოითხოვეს. მათ საზოგადოებას თვითორგანიზებისა და ფართომასშტაბიანი აქციების გამართვისკენ მოუწოდეს. "თუ საჭიროა ყველა ქალაქში, ყველა სოფელში გამოვიჩინოთ თვითორგანიზება, შევეხმიანოთ ერთმანეთს და მოვაწყოთ დიდი მრავალათასიანი, მასშტაბური აქციები იმისთვის, რომ დავანახოთ რეჟიმს რამდენი მხარდამჭერი ჰყავს მიხეილ სააკაშვილს, რამდენი მხარდამჭერი ჰყავს ამ ქვეყნის უკეთეს მომავალს", - განაცხადა აქციის ერთ-ერთმა მონაწილემ.